Bill Toomey, fullt namn William Anthony Toomey, () er ein USA-amerikansk tidlegare friidrettsutøvar frå Philadelphia i Pennsylvania som i 1968 vart olympisk meister i tikamp.
Aktiv Toomey starta med femkamp og vart nasjonal mester i øvinga åra 1960, 1961, 1963 og 1964. I 1964 vart han nummer fire i tikamp under det nasjonale uttaket til sommar-OL i Tokyo, dermed gjekk leikane fløyten for hans del. I 1965 sigra han i tikampen både ved universiaden i Budapest og i dei panamerikanske leikane i Winnipeg.
Kvart einaste år frå 1965 til 1969 vann Toomey tikamp-tevlinga i den USA-amerikanske meisterskapen. Under dei olympiske leikane i Mexico-byen hausten 1968 sikra han seg gullmedaljen i tikampen, 82 poeng over vesttyske Hans-Joachim Walde på sølvplassen. Den 11. desember 1969 i Santa Barbara sette Toomey verdsrekord i tikamp med sine 8 417 poeng. Rekorden gjaldt til Mykola Avilov sletta den under Sommar-OL 1972.
1969-92 var Toomey gift med britiske Mary Rand.
Kjelder
World Athletics Denne artikkelen bygger på «Bill Toomey» frå , den 22. juli 2026.
Kategori:Mangekjemparar frå USA Kategori:Olympiske meistrar for USA Kategori:Medaljevinnarar under sommar-OL 1968 Kategori:USA-amerikanske deltakarar under sommar-OL 1968 Kategori:Friidrettsutøvarar under sommar-OL 1968 Kategori:Folk frå Philadelphia