Electric Ladyland er det tredje og siste albumet til the Jimi Hendrix Experience, utgjeve i oktober 1968 på Reprise Records. Det var det siste studioalbumet til Jimi Hendrix som han produserte sjølv. Det toppa den amerikanske albumlista i to veker i november 1968.Billboard Archives henta 16. mars 2011 Det kontroversielle britiske plateomslaget synte bilete av ei gruppe nakne kvinner. Dette vart raskt endra til eit portrett av Hendrix som syng.

Songar Det vart gjeve ut som eit dobbelalbum og syner alle sidene ved det musikalske talentet til Hendrix. Det inneheld fleire sjangrar og musikkstilar, den psykedeliske «Burning of the Midnight Lamp», som vart gjeven ut som singel i Storbritannia sommaren 1967, den lange bluesjammen «Voodoo Chile», den New Orleans-aktige R&B-songen av Earl King «Come On», den episke studioproduksjonen «1983... (A Merman I Should Turn to Be)», samfunnskommentaren «House Burning Down», britpop-songen til Noel Redding, «Little Miss Strange». Albumet inneheld òg ein omarbeidd versjon av Bob Dylan-klassikaren «All Along the Watchtower», som Dylan sjølv likte særs godt,Dimery, Robert. 1001 Albums You Must Hear Before You Die, ISBN 0-7893-1371-5, s.136 samt «Voodoo Child (Slight Return)», som er ein særs kjend gitarlåt.

Innspeling Sjølv om Hendrix nytta songar som var spelt inn tidlegare, byrja arbeidet med albumet for fullt våren 1968 i det nyopna Record Plant Studios i New York. Under innspelinga av albumet byrja Hendrix å krangle med produsent Chas Chandler og bassist Noel Redding. Alt presset med dei omfattande turneplane og at Hendrix ønskte å ha eit liv utanom, gjorde at han inviterte venene sine og kjende til studioet. Chas Chandler mislikte å vere så mykje i studio og skulda det delvis på gjestene. Chandler slutta i mai 1967 og overlet produksjonsansvaret til Hendrix sjølv.

Perfeksjonismen til Hendrix i studio var legendarisk - han og Mitchell spelte inn over 50 forsøk av «Gypsy Eyes» over tre innspelingsperiodar,McDermott et al., Ultimate Hendrix, s. 98-100. og Hendrix var generelt usikker på stemma si og spelte ofte inn vokalen gøymd bakom skjermar i studio. Hendrix song all korvokalen sjølv på tittelsporet og på «Long Hot Summer Night».Electric Ladyland, MCAD 10895, 1993, liner notes.

På mange av songane på albumet utvida Hendrix den originale trioen med å samarbeide med andre musikarar, som Dave Mason, Chris Wood og Steve Winwood frå Traffic; framtidige Band of Gypsys-trommis Buddy Miles; Jefferson Airplane-bassist Jack Casady; og tidlegare Dylan-organist Al Kooper. Samarbeidet mellom Hendrix og bassist Noel Redding, som hadde same meining som Chandler om tida dei brukte i studio, var spent under innspelinga.Appleby, Carol, and Redding, Noel. Are You Experienced? - The Inside Story of The Jimi Hendrix Experience. London: Fourth Estate, 1990, passim. Hendrix spelte derfor bass på mange av songane, mellom anna bassoloen på «1983».MCA 1993 liner notes.

Utgjeving og mottaking Den britiske utgåva av albumet nådde sjetteplassen og utgjevinga var kontroversiell. Hendrix skreiv eit brev til Reprise der han skildra nøyaktig kva han ville ha på omslaget. Han bad om eit fargefoto av Linda Eastman gruppa sitjande med born på ein skulptur frå Alice in Wonderland i Central Park i New York.Electric Ladyland. Experience Hendrix/MCA 11600, 1997, liner notes. Selskapet laga i staden eit uskarpt raudt og gult bilete av hovudet hans, teken av Karl Ferris. Track Records laga sitt eige omslag, som synte 19 nakne kvinner som låg på ein svart bakgrunn.Electric Ladyland. Track Records 613 010, 1968, cover photo.

I 2005 kåra lesarane av Q Electric Ladyland til det 38. beste albumet gjennom tidene. I 2003 plasserte VH1 det på 72. plass. I 2003 sette Rolling Stone albumet på 54. plass på lista deira over dei 500 største albuma gjennom tidene. Albumet er òg omtalt i boka 1001 Albums You Must Hear Before You Die.

Innhald

Den britiske utgåva hadde ei anna rekkefølgje på songane.

Medverkande Jimi Hendrix – vokal, elektrisk gitar, piano, perkusjon, kam- og papir-kazoo, elektrisk cembalo, bass Noel Redding – korvokal, bass, akustisk gitar og solovokal på «Little Miss Strange» Mitch Mitchell – korvokal, trommer utanom dei nemnd under, perkusjon, solovokal på «Little Miss Strange»

Andre musikarar Jack Casady – bass på «Voodoo Chile» Larry Faucette – congatrommer på «Rainy Day Dream Away» og «Still Raining Still Dreaming» Mike Finnigan – orgel på «Rainy Day Dream Away» og «Still Raining Still Dreaming» Brian Jones - perkusjon på «All Along the Watchtower» Al Kooper – piano på «Long Hot Summer Night» Dave Mason – 12-strengsgitar på «All Along the Watchtower», korvokal på «Crosstown Traffic» Buddy Miles – trommer på «Rainy Day Dream Away» og «Still Raining Still Dreaming» Freddie Smith – tenorsaksofon på «Rainy Day Dream Away» og «Still Raining Still Dreaming» The Sweet Inspirations – korvokal på «Burning of the Midnight Lamp» Steve Winwood – orgel på «Voodoo Chile» Chris Wood – fløyte på «1983... (A Merman I Should Turn to Be)»

Kjelder

Denne artikkelen bygger på «Electric Ladyland» frå , den 16. mars 2011. oppgav desse kjeldene:

Kategori:Jimi Hendrix-album Kategori:Musikkalbum frå 1968 Kategori:Dobbeltalbum 055 053 Kategori:Album spelte inn i Record Plant