«Voodoo Child (Slight Return)» er det siste sporet på det tredje og siste albumet til the Jimi Hendrix Experience, Electric Ladyland frå 1968. Songen er kjend for den tunge gitarspelinga med wah-wah. Songen vart plassert på 101. plass på lista til Rolling Stone over dei 500 største rocke ongane gjennom tidene.
Songen vart spelt inn i 1968, og vart gjeve ut på ny som singel etter Hendrix døydde i 1970. Singelen inneheldt tre songar, og nådde førsteplassen i Storbritannia. Dei to andre songane var «Hey Joe» og «All Along the Watchtower».
Opphav og innspeling Opphavet til songen var i all hovudsak songen «Voodoo Chile», ein lang bluesjam med Steve Winwood på orgel.McDermott, R., Kramer, E., Cox, B. (2009). Ultimate Hendrix, s. 101. Backbeat Books. ISBN 978-0-87930-938-1 Den 3. mai 1968 (dagen etter «Voodoo Chile» vart spela inn), filma eit mannskap frå ABC Jimi Hendrix Experience medan dei spela songen.
Songen vart ein av songane Hendrix spelte mykje på konsertane sine og kunne variere i lengd frå 7 til 18 minuttar. Han spelte mellom anna songen på Woodstockfestivalen og i Royal Albert Hall i 1969.
Medverkande Gitar, vokal, perkusjon: Jimi Hendrix Bass: Noel Redding Trommer, perkusjon: Mitch Mitchell
Ettermæle Soloen til Hendrix vart kåra til den 11. beste gitarsoloen nokon gong i Guitar World nr. 46. Hendrix var på Topp 100-lista seks gonger, meir enn noko andre på lista.
Joe Satriani kommenterte songen:
«Det er berre ein av dei beste elektriske gitarverka som nokon gong er spelt inn. Faktisk kan heile songen reknast som ein heilag gral av gitaruttrykk og teknikk. Han er eit landmerke av menneskelegheit.»
Kenny Wayne Shepherd: «Dette er meir eller mindre gitarhymnen over alle. Frå det fantastiske opningsriffet til måten han bryt det ned i midten og vert funky, det heile er heilt utruleg. Det er ting Jimi gjorde på gitar som menneske berre ikkje kna. Du kan prøve heile dagen, og sjølv om du spelar dei riktige notane, så blir det ikkje det same. Det verkar definitivt som han kom frå ein høgare stad når han spela.»
Andre versjonar Andre artistar som har spela songen er mellom andre: Joe Satriani, Steve Vai og Yngwie Malmsteen, Buddy Guy, Ben Harper, Pearl Jam, Angélique Kidjo, Gabriel Ríos, Kenny Wayne Shepherd, Rob Thomas, Stevie Ray Vaughan, Top of the Poppers, John Mayer, Stevie Winwood og Eric Clapton.
Kjelder
Denne artikkelen bygger på «Voodoo Child (Slight Return)» frå , den 16. mars 2011. oppgav desse kjeldene: Experience Hendrix: The Best Of Jimi Hendrix (Liner notes), Experience Hendrix, 1997.
Kategori:Jimi Hendrix-songar Kategori:Songar frå 1968 Kategori:Singlar frå 1970 Kategori:Stevie Ray Vaughan-songar Kategori:Eric Clapton-songar Kategori:Buddy Guy-songar 102