Sigbjørn Mustad () var ein norsk advokat, kapitalist og politikar frå Gjøvik. Frå 1937 var han stortingsrepresentant for partiet Høgre.
Mustad vart cand.jur. i 1920. Han var så dommarfullmektig i Namsos og Tønsberg, før han i 1923 tok til som sakførar i heimbyen.
I 1934 stilte Mustad seg i spissen for etableringa av AS Avviklingsinstituttet, eit forretningsselskap som kjøpte bu etter likviderande bankar. Mange opplendingar investerte i selskapet, som sidan danna grunnlaget for den såkalla «Gjøvik-gruppen». Denne grupperinga, med Mustad i spiss, kjøpte seg opp i treforedlingskonsernet Union. Frå 1947 til 1963 var han storaksjonær og styreformann i Union.
Hausten 1936 vart Mustad vald til stortingsmann for kjøpstadene i Hedmark og Oppland. Han var medlem 1937-40 i Sosialkomiteen og 1945 i Finans- og tollkomiteen. Krigsåra var Mustad frå 1941 sjef for Statens revisjonskontor i London.
Kristian Mustad var far hans.
Kjelder
Stortinget: 1937-1939. Oslo 1937. Denne artikkelen bygger på «Sigbjørn Mustad» frå , den 30. april 2026.
Kategori:Stortingsrepresentantar 1937-1945 Kategori:Stortingsrepresentantar frå Høgre Kategori:Stortingsrepresentantar for byane i Hedmark og Oppland Kategori:Vararepresentantar til Stortinget Kategori:Norske riksrevisorar Kategori:Norske advokatar Kategori:Norske forretningsfolk Kategori:Folk frå Gjøvik