Mari Silje Samuelsen () er ein norsk klassisk fiolinist.
Bakgrunn Samuelsen er frå Hamar. Ho byrja spela fiolin då ho var tre år gammal på den lokale musikkskulen. Frå ho var fire år gammal var ho elev av Arve Tellefsen. Frå 14-årsalderen var ho elev ved Barratt Due musikkinstitutt med Stephan Barratt-Due som lærar. Seinare var ho elev av den russiske professoren Zakhar Bron ved Zürich universitet i Sveits. Ho tok mastergrad ved universitetet i 2012.
Ho vann Hedmark fylkeskommunes kulturpris (2006) og Hedmarksprisen (2003) saman med broren Håkon Samuelsen, og har motteke fleire stipend.
Musikalsk karriere Mari Samuelsen har vore solist med dei fleste norske orkester og fleire utanlandske. Ho spelar på ein guadagninifiolin frå 1773,Mari Samuelsen. marisamuelsen.com og har òg spelt på ein stradivariusfiolin frå 1724.
Saman med broren Håkon gav Mari Samuelsen ut albumet Pas de Deux i 2015. Pas de Deux var ein komposisjon dei tinga av James Horner, og albumet vart det fyrste klassiske albumet som toppa VG-lista sidan 1995. I 1995 toppa både Arve Tellefsen med Arco og Herbert von Karajan med Adagio denne lista.
I 2017 la Håkon Samuelsen opp som musikar, og Mari Silje heldt fram åleine. Dei spelte sin siste konsert saman i Istanbul. Same år kom albumet Nordic Noir ut på Decca Records. Der spelte Samuelsen blant anna ny musikk frå filmkomponistane Uno Helmersson og Johan Söderqvist.
I 2018 skreiv Samuelsen kontrakt med Deutsche Grammophon. Då plateselskapet feira 120-årsdagen sin framførte Samuelsen «November» av Max Richter saman med Shanghai symfoniorkester i Den forbodne byen. 7. juni 2019 kom albumet MARI ut, som ho spilte inn med Konzerthausorchester Berlin og dirigent Jonathan Stockhammer.
Diskografi
2015: Pas de Deux (med Håkon Samuelsen) 2017: Nordic Noir 2019: Mari 2022: LYS (Deutsche Grammophon) 2024: LIFE (Deutsche Grammophon)
Kjelder
Denne artikkelen bygger på «Mari Samuelsen» frå , den 17. desember 2025.
Kategori:Folk frå Ringsaker Kategori:Norske fiolinistar