Fjellkvitkurle (Pseudorchis straminea) er ei plante i kvitkurleslekta Pseudorchis i orkidéfamilien (marihandfamilien) Orchidaceae.
Utsjånad Fjellkvitkurle er ei lita gulgrøn plante som kan blir om lag 20 centimeter høg. Planta har små kvite blomar med tredelt leppe i eit smalt aks. Dei tre flikane på leppa er jamstore.
Systematikk Fjellkvitkurle var tidlegare knytt til slektsnamnet Leucorchis, men blir no rekna til slekta Pseudorchis. Fjellkvitkurle og den nære slektningen kvitkurle har til tider vore rekna som eigne artar under dei to slektsnamna, til andre tider som underartar, då med fjellkvitkurle som underarten ssp. straminea.
Utbreiing I Noreg veks fjellkvitkurle helst på gammal beitemark og slåttemark i høgareliggjande område. Planta er i raudlistevurderinga (2021) rekna som livskraftig (LC).
Arten finst òg i Sverige (status LC, svensk namn fjällyxne), i Finland (VU, finsk namn tunturivalkokämmekkä), på Færøyane (sjáldsom, færøysk namn hvitgult hjúnagras),, på Island (LC, islandsk namn hjónagras) og på Grønland (LC, dansk namn satyrblomst, grønlandsk namn isigammaasat).
Hybridar Fjellkvitkurle kan danne ein intergenerisk hybrid (hybrid mellom ulike slekter) med brudespore (Gymnadenia conopsea × Pseudorchis straminea). Han er registert nokre stader i Noreg og i Sverige.
Referansar
Bakgrunnsstoff
Kategori:Orkidear i Noreg Kategori:Orkidear i Sverige Kategori:Orkidear i Finland Kategori:Orkidear på Færøyane Kategori:Orkidear på Island Kategori:Orkidear på Grønland Kategori:Kvitkurleslekta