mini|Frå Beltana rundt 1935. Beltana er ein liten stad (town) i Sør-Australia som ligg 540 km nord for Adelaide. Beltana er kjend for å ha fortsett å eksistera lenge etter at eksistensgrunnlaget forsvann. Staden blei folkesett frå 1870-talet då ein byrja med kopargruvedrift og bygginga av Australian Overland Telegraph Line og jernbanelinja The Ghan. Innbyggjartalet byrja å gå ned frå 1941 då ein byrja gruvedrift etter kol ved Leigh Creek og folk flytta dit i staden. I 1983 blei hovudvegen flytt vekk frå staden. Beltana hadde sitt største folketal på 1880-talet, med 390 innbyggjarar i 1883. Tidleg på 2000-talet budde berre rundt 20 folk i Beltana.
Beltana har viktige band til utbygginga av telegrafen, den transkontinentale jernbana, gruvedrift, outback-livet, Australian Inland Mission og den «afghanske» kameltransporten i innlandet. Restane etter byen, gravplassen og jernbanestrukturane blei erklært State Heritage Area i 1987.
Ein har halde hesteveddeløp her sidan 1876, og ein har halde fram med å arrgangera piknikløp og gymkhana kvart år og landbrukstreff annakvart år.
Opphavlege innbyggjarar Dei opphavlege innbyggjarane på staden var kuyani- og adnyamathanha-aboriginarar som pleide å vitja staden fordi det var vasskjelder i nærleiken, Warrioota og Sliding Rock, og mange eukalyptustre (red gums). Då europearane slo seg ned her blei den tradisjonelle levemåten deira umogleg å fortsetja, og mange av dei blei gardsarbeidarar. Etterkvart som byen gradvis blei fråflytt slo nokre aboriginarar seg ned i dei forlatne bygningane, og på slutten av 1960-talet var dei igjen ein majoritet i området.Aird G 1984, p. 12
Kjelder
Denne artikkelen bygger på «Beltana» frå , den 8. mars 2020.
Bakgrunnsstoff Beltana Historic Town Flinders Ranges Research, Beltana SMH article on Beltana Connecting the Continent, Celebrating Beltana State Heritage Areas of South Australia - Beltana State Heritage Area (arkivert nettside)
Kategori:Sør-Australia