Dub er ein musikksjangerA History of Rock Music: 1951–2000, s. 120 som utvikla seg frå reggae i 1960-åra. Han er ofte rekna som ein undersjanger av reggae,Dub: soundscapes and shattered songs in Jamaican reggae, s. 2 men kan også seiast å ha utvikla seg vidare enn opphavssjangeren.
Musikk innan sjangeren omfattar hovudsakleg instrumentale remiksar av tidlegare innspelingar.Chris Roberts, Heavy Words Lightly Thrown: The Reason Behind Rhyme, Thorndike Press, 2006 () Han blir utforma gjennom kraftig manipulering og omforming av desse, som regel ved å ta ut vokalane og vektleggja tromme- og basspartia - dette grunnsporet blir også kalla ein riddim. Andre teknikkar kan vera å leggja inn kraftige ekko, klang (reverb) og spreidd dubbing av vokal- eller instrumentalbitar frå den opphavlege versjonen eller andre verk. Dub var ei tidleg form av populær elektronisk musikk.Michael Veal (2013), Dub: Soundscapes and Shattered Songs in Jamaican Reggae, s. 26-44, "Electronic Music in Jamaica", Wesleyan University Press
Pionerar innan dub var Osbourne «King Tubby» Ruddock, Lee «Scratch» Perry, Errol «ET» Thompson som saman med andre skipa sjangeren på slutten av 1960-talet. Ein annan pioner, Augustus Pablo, har fått æra for å ta i bruk melodika i dub. Utanfor danselokala eksperimenterte folk også på miksebord, til dømes av produsentane Clive Chin og Herman Chin Loy.Larkin, Colin: The Virgin Encyclopedia of Reggae, 1998, Virgin Books, Desse produsentane, særleg Ruddock og Perry, såg på miksebordet som eit anna instrument som kunne manipulera spor til å bli noko heilt anna.
Dub har påverka mange andre musikksjangrar, som rock (særleg undersjangeren post-punk og andre former for punkDub: soundscapes and shattered songs in Jamaican reggae, p.3), pop,Dub: soundscapes and shattered songs in Jamaican reggae, p.4 hip-hop, disco og dei seinare sjangrane house,Dub: soundscapes and shattered songs in Jamaican reggae, p.1 techno, ambient, elektronisk dansemusikkRoy Shuker (2012), Popular Music Culture: The Key Concepts, pages 117-118, Routledge og trip-hop. Dub la grunnlaget for jungle og drum and bass.Living through pop, s. 107Discographies: dance music, culture and the politics of sound, p.79Multi-Ethnic Britain 2000+: New Perspectives in Literature, Film and the Arts, p. 263 Tradisjonell dub har overlevd, og ein del av pionerane, som Lee «Scratch» Perry og Mad Professor, har fortsett å laga nytt materiale.
Kjelder
Denne artikkelen bygger på «Dub music» frå , den 2. desember 2017. oppgav desse kjeldene:
Veal, Michael E. (2007). Dub: Songscapes and Shattered Songs in Jamaican Reggae. Middletown: Wesleyan University Press. Cox and Warner, eds. Audio Culture: Readings in Modern Music. Continuum: 2004. "Replicant: On Dub" by David Toop; Chapter 51, Pages 355–356.
Kategori:Reggae Kategori:Jamaicansk musikk Kategori:Elektronisk musikk Kategori:Populærmusikk