«Little Lies» er ein song av det engelsk-amerikanske rockebandet Fleetwood Mac. Han var den tredje singelen frå albumet Tango in the Night. Fram til 2015 har dette vore den siste singelen deira som nådde topp 10 i USA.
Songen vart skriven av klaverspelaren og vokalisten i bandet, Christine McVie og den dåverande ektemannen hennar, Eddy Quintela. Då songen kom ut nådde han fjerdeplassen på Billboard Hot 100 i i USA (førsteplassen på adult contemporary-lista) og femteplassen på UK Singles Chart. Han vert framleis mykje spelt på radio som ein klassisk hit frå slutten av 1980-åra, i lag med «Everywhere», som kom ut eit år seinare. Musikkvideoen til songen vart filma på ein gard, kring gamle bygningar og jorde.
Teksten handlarom om at songaren heller ønskjer å høyre «små løgner» enn den ulukkelege sanninga frå kjærasten sin.
Singelen vart òg gjeven ut på 12-tommarsformat med ein lengre dance-versjon, ein dub-versjon og B-sida «Ricky». Sistnemnde vart ikkje gjeven ut på albumet og vart skriven av Christine McVie og Lindsey Buckingham. Det vart òg gjeven ut ei avgrensa 12-tommars biletplate i Storbritannia, og det vart den første Fleetwood Mac-singelen som vart gjeven ut på kassettsingel-formatet.
Innhald 12" US single (Warner Brothers Records 0-20761) «Little Lies» (Extended Version) 6:07 «Little Lies» (Dub) 4:04 «Ricky» 4:21
Versjonar 7-tommarssingel- og albumversjonen (3:38) Extended 12" Version (6:07) - remixa av John «Jellybean» Benitez Dub Version (4:04) - remixa av John «Jellybean» Benitez Konsertopptak frå CD-singelen «Skies the Limit» (1990) (henta frå konsertvideofilmen Tango In The Night, som vart filma i 1987)
Lister
Vekeslister ListePlasseringAustralian Kent Music Report16Austerrike21Belgia (Flandern) 14Canadian RPM Top 100 Singlar13Canadian RPM Adult Contemporary2Nederland10Irish Singles Chart4New Zealand9Sveits3UK Singles Chart5US Billboard Hot 1004US Billboard Adult Contemporary1US Billboard Mainstream Rock14Vest-Tyskland3
Årslister Liste (1987)PlasseringAustralian Kent Music Report85Canadian RPM Top 100 Singlar89US Billboard Top Pop Singlar51US Billboard Top AC Singlar28
Kjelder
Denne artikkelen bygger på «Little Lies» frå , den 12. august 2015. oppgav desse kjeldene: The Billboard Book of Top 40 Hits, 6. utg, 1996
Bakgrunnsstoff Musikkvideo av songen på MTV.com
Kategori:Songar frå 1987 Kategori:Singlar frå 1987 Kategori:Fleetwood Mac-songar Kategori:Songar skrivne av Christine McVie Kategori:Songar produserte av Richard Dashut Kategori:Musikkvideoar regisserte av Dominic Sena