Nir David (hebraisk נִיר דָּוִד, tyder 'Davidsenga') er ein kibbutz i Beit She'an-dalen nord i Israel. Han vart grunnlagd 10. desember 1936 som Tel Amal, den andre av tårn og palisade-busetjingane, og er i dag ein del av Emeq ha-Ma'ajanot regionale kommune.
Historie mini|venstre|Nir David den første tida (1946) Nir David-pionerane oppstod i byen Ramat Gan i 1932. Dei første medlemmane var grunnleggjarane av sionistungdsomsrørsla Hashomer Hatzair i Israel. I 1933 slo gruppa seg saman med kibbutzen «Massad» frå Polen (ingen samanheng med Massad fellesbusetnad i Nedre Galilea, eller «Massad»-gruppa som grunnla den nærliggande kibbutzen Kfar Ruppin). I 1934 sende samfunnet ei gruppe til Beit She'an-dalen for å dyrke land der som Jewish National Fund hadde kjøpt for framtidige busetjingar i regionen. Medlemmane i kibbutzen byrja å drive jordbruk kring Tel Shuk, der kibbutzen seinare vart grunnlagd. Då arabararopprøret byrja natt til 20. april 1936 vart den første kveiteavlingane til kibbutzen sett i brann og plantene og frøplantene vart rivne opp med rota.
Pionerande vendte trass i farande attende. Med fare for arabisk terror og motstand frå britane, la dei ein plan om å bygje festningsverk i busetnaden for å kunne stå i mot åtak. Den 10. desember 1936 vart Tel Amal grunnlagd som den første tårn og palisade-busetjinga (og den første kibbutzen) i Beit She'an-dalen, og den andre i heile Palestinamandatet etter Kfar Hittin. Dei neste tre åra, under arabararopprøret, vart 52 slike busetjingar bygd i raskt tempo.
I 1940-åra vart kibbutzen kalla Nir David til ære for David Wolfsohn, den andre leiaren i World Zionist Organization.A room with a view of Israel of old, Haaretz
Kibbutzen har i dag over 650 vaksne medlemmar og barn.
Sjå òg Turisme i Israel
Kjelder
Denne artikkelen bygger på «Nir David» frå , den 14. februar 2015. oppgav desse kjeldene:
Bakgrunnsstoff Offisiell nettstad
Kategori:Kibbutzar Kategori:Busetnader grunnlagde i 1936 Kategori:1936 i Palestinamandatet Kategori:Busetnader i Det nordlege distriktet i Israel