«Honesty» er ein song av den amerikanske songaren Billy Joel for albumet 52nd Street i 1978. Songen vart gjeven ut som den tredje singelen frå albumet i 1979. «Honesty» vart skriven av Joel og produsert av Phil Ramone som ein pianoballade om naturleg mangel på skam.
Songen fekk stort sett positiv kritikk i musikkpressa, som trakk fram teksten og pianoinstrumenteringa som positive faktorar. Singelen nådde 24. plass på den amerikanske Billboard Hot 100-lista, og vart den tredje hitten frå albumet. Singelen selde til gullplate i Japan for sal av ringetonar med over 100 000 nedlastingar. Songen nådde 16. plassen på den kanadiske singellista.
Joel framførte songen mange gonger på konsertar med Elton John og seinare med Bryan Adams.
I meldinga om 52nd Street skreiv Stephen Thomas Erlewine på Allmusic at «Honesty» var ein av dei beste songane til Joel.
Medverkande Billy Joel - vokal, piano David Spinozza - akustisk gitar Robert Freedman - orkestrering for blåseinstrument og strykarar
Innhald US singel «Honesty» – 3:53 «The Mexican Connection» – 3:38
Dutch singel/CBS 7150 «Honesty» – 3:53 «Root Beer Rag» – 2:59
CBS singel «Honesty» «My Life"
Lister Liste (1979)PlasseringCanada16Finland29Frankrikehttp://www.infodisc.fr/Bilan_J.php1Italiahttp://www.hitparadeitalia.it/indici/per_interprete/aj.htm36Japan Oricon53Sør-Afrika8align="left"
Andre versjonar Andre artistar som har spelt inn songen er belgiske Toots Thielemans i 1979, japanske Hajime Mizoguchi og K, svenske Helen Sjöholm, Maggie Gyllenhaal.
Songen vart sampla av Jay-Z i songen «From Marcy to Hollywood» for filmmusikken til The Players Club i 1998.
Ein av dei mest kjende coverversjonane vart gjort av Beyoncé Knowles i 2008 for eit samlealbum med den tidlegare gruppa hennar, Destiny's Child, kalla Mathew Knowles & Music World Present Vol.1: Love Destiny. Songen vart seinare gjeven ut på platinum-utgåva av soloalbumet hennar I Am... Sasha Fierce (2008). Denne singelen nådde andreplassen på singellista i Sør-Korea.
Beyoncé-singelen Liste (2010) Plassering Sør-Korea2 Liste (2011) Plassering Sør-Korea2
Kjelder
Denne artikkelen bygger på «Honesty (Billy Joel song)» frå , den 29. august 2014. oppgav desse kjeldene:
Kategori:Songar frå 1978 Kategori:Singlar frå 1979 Kategori:Billy Joel-songar Kategori:Songar skrivne av Billy Joel Kategori:Beyoncé-songar Kategori:Softrocksongar Kategori:Songar produserte av Phil Ramone Kategori:Popballadar