Ła i10 ła ze el segondo modeło de ła gama Hyundai ad adotar ła nova nomencladura introduzesta da'l modeło i30Prova su strada di MotorBox. Ła ze stà reałizada par ndar a sostituir el modeło Atos che'l ga rescontrà un bon suceso soratuto in Europa; ła i10 cuindi ła rancura insenbre serte prensipałe caratarìsteghe de l'antenada a'l fin de replicárghene i rezultadi comersiałi. Ła mantien el schema de picoła monovołume, ła prezenta numaroze cołorasion par ła carosarìa par ndarghe incontro a un pùblego zovaniłe.
El prozeto de ła i10, identifegà da'l còdaze PA, el ze stà studià inte'l sentro de reserche e zviłupo che ła Hyundai ła ga in Corea de'l Sud; l'intento de ła Hyundai el ghe ndava oltra ła creasion de na senplise erede de un vecio modeło ma A se vołeva reałizar n'auto conpletamente nova da'l preso contenjùo da poder véndar so i prinsipałi marcà emerzenti e non. Cusì par tełaro A vien doparà na varsion azornada de'l pianałe Kia Picanto, revisto soratuto a l'avantreno par poderse adatar a'l mejo a ła carosarìa monovołume. L'abitàcoło el ponta so l'abitabiłità co na plancia da łe grande dimension che ła ospita el comando de'l canbio in pozision ełevada. N'altra novità introdota par ła i10 ła ze stà el propulsore a gazołio destinà soratuto a ła comersałizasion europèa.
L'inveciamento progresivo de ła gama Atos (in łistin da'l 1998 e azornada inte'l 2004) ła ga provocà anca un cało de łe vendite par ła Hyundai inte'l segmento de ła citycar e cuesto el ga spenzesto i tècneghi a na redusion inte i tenpi de prozetasion e de zviłupo in modo da poder antisipar sia l'inisio de ła produsion che de łe vendite. No A ze stà prezentà nesun protòtipo e ła i10 ła vien mostrada a'l pùblego zà in veste definitiva a'l Sałon de l'Automòbiłe de Nuova Delhi in IndiaPrime immagini ufficiali della i10 , łogo stratèzego ndove A venjiva produzesta ła Hyundai Atos, par entrar in produsion inte'l fine 2007 inte l'inpianto de Chennai fasente parte de ła divizion Hyundai Motor India Limited Comunicato ufficiale di Hyundai Motor India Limited. In Europa ła prezentasion ła ze avenjùa a'l Motor Show de BołonjaPresentazione europea della i10 e l'auto ła ze stà inportada a partìr da'l 2008La Hyundai i10 regina degli incentivi inglesi conpanjada da na descreta oferta de motorizasion sia diesel che benzina fin a'l GPL. Inisialmente inte'l stabiłimento de Chennai A jera prezente do łinee produtive co na capasità de 1.300 autoveture a'l zorno a łe cuałe se ghe n'aveva zontà anca na tersa che ła ga aumentà i vołumi de'l 40% portando ła produsion a 1.800 Hyundai i10 a'l zorno in modo da poder sostenjir łe numaroze rechieste da'l Vecio Continente.
Inte i marcà emerzenti l'auto ła otien bastansa suceso, ła se azùdega l'Indian Car of the Year (ICOTY) 2008 (overo Auto dell'Anno in India), in Malaysia ła ze stà premiada come "Miglior Auto per il Popolo" ai VCA Auto Industry Awards 2009 VCA Auto Industry Awards 2009: elenco dei vincitori . Inte'l desenbre de'l 2008 ła ze stà ełeta Auto dell'Anno 2009 in Ciłe, Auto dell'anno in Gresia senpre inte'l 2009, premiada da Autoweek come "Best Value For Money" inte i Paezi Basi ed ełeta "Auto più conveniente" da'l pariòdego Your Style in Połonia. Inte'l zunjo de'l 2008 ła Hyundai ła gaveva za vendùo 184.465 ezenplariHyundai i10: nuovo motore 1.2 Kappa e dati di vendita in tuto el mondo e durando el primo ano de produsion soło in Europa ła caza ła ze riusìa a vénder oltra 90.000 ezenplari. L'ùltemo premio, in órdene cronołòzego, el resałe a l'istà de'l 2010 cuando che l'è stà ełeta Best City Car da ła revista angleza AutoExpress Hyundai i10 eletta Best City Car 2010 .
El design Ła i10 ła ze łonga 3,57 metri, łarga 1,60 e alta 1,54 metri. Dada l'economisità de'l desenjo de ła carosarìa, rezo nesesario par tenjer basi i costi de stanpazo e cuindi de'l preso de vendita (séndo l'auto prensipalmente pensada par i marcà emerzenti) el profiło estètego de ła vetura no'l prezenta evidenti orizenałità stiłìsteghe, gran parte de ła carosarìa ła rezulta piata, priva de zoghi de suparfise e ła parsonałità estètega ła emerze scuazi unegamente da serti partegołari. El stiłe el ze reciapà da'l modeło i30 caratarizà da łinee tondezante e prive de spigołi. Inte'l frontałe A ze prezente ła picoła całandra che ła ospita el logo, ła stesa całandra so łe varsion de ponta ła ze cromada. Un anpio fason scuro el se cata inte'l paraurti mentre a łe stremidà ze stà pozisionà i zbregacałigo (fendinebia) co fase paracolpi. I grupi òteghi anteriori i ga na forma sìmiłe ad un triangoło ma da i spigołi zmusà. Ła fiancada ła prezenta cofà ùnego ełemento distintivo ła łinea de sintura che ła resałe inte'l posterior verso el montante. Infin inte'l posterior el portełon el prezenta na manisa co soaza cromada. El paso el mezura 2,380 metri.
L'interno respeto a l'Atos el ze pì spasiozo e comodo, ma el resta asè spartan inte i asenblaji e inte i materiałi; ła plancia ła ga un desenjo sénplise ma pì moderno respeto a'l modeło presedente e ła ze caratarizada da vaste suparfisi piene e poco ełaboràe par mantenjer basi i costi de stanpagio. Na łinea ad onda ła separa in do parte el cruscoto, ła cui parsonałità estètega ła vien pì che altro recavada co contrasti cromàteghi. Ła posiede el comando de'l canbio in pozision realsada, el cuadro strumenti el ze a tre cuadranti co gràfega a sfondro scuro opur bianco e iłuminasion dadrìo verda, inte ła parte sentrałe A se cata l'inpianto de climatizasion co łe bochete d'aerasion spartìe da l'autoradio, i comandi de'l clima i ze pozisionà łezermente pì in baso. Par el marcà europèo A ze disponibiłe anca łe refinidure in plàstega che łe łimita l'ałuminio. Un picoło schermo de'l computer de bordo el vien integrà da'l tachimetro. L'abitàcoło el ze omołogà par sincue parsone, par el mercà europèo A ze stà sernìa na tapesarìa in tonałità scure, par l'Azia tonałità ciare. El bagajajo el posiede un vołume par a 225 łitri anpliabiłi fin a 910 co'l schienałe de'l divaneto posterior rebaltà.
Altre difarense prezenti tra łe varsion europèe e cuełe destinàe ai marcà emerzenti łe se consentra inte l'abitàcoło ndove i sediłi, inte łe i10 destinàe ai mercà manco ezigenti, i prezenta i pozatesta integrài e autoradio mìa fornìa de serie e sostituìa da un vano portaojeti zdopià (vien fornìa l'instałasion a pagamento) mentre estetegamente łe vien achipajàe co serci in asaro da łe dimension minori (13" mentre in Europa łe ze de 14" pa'łe varsion baze).
Ła dinàmega Ła i10 ła vien reałizada so l'isteso tełaro de baze de ła Kia Picanto, na strutura conpata che ła Hyundai ła ga in parte renovà: ła ze stà irizidìa in modo da poder aumentar łe seguresa in cazo d'inpato, in azonta a cauza de ła mazor altesa de ła carosarìa (respeto a ła Picanto) anca el barisentro de ła vetura el ze pì alto cuindi i inzenjeri Hyundai i ga aportà serte modifeghe struturałe. Ła scoca ła vien reałizada drìo standard minemi europèi (indispensabiłi par ła comersałizasion in UE) co asari alto rezistensiałi a deformasion programada, anca łe portiere łe respeta i standard: łe ze dotàe de zbare d'asaro anti intruzion e de renforzi zontadivi. Ła trasion ła ze anterior co motor in pozision trazversałe, łe sospension anteriore łe ze a zeometrìa MacPherson co rode independente e zbara stabiłizadora mentre el retrotreno el adota ła sołusion a rede intarconese da un ponte torsente e zbara stabiłizadora. I amortizadori i ze a gas e l'inpianto frenante el sfruta dei dischi auto ventiłài a l'avantreno e dei dischi pieni a'l retrotreno.
Tra i prensipałi dispozitivi de seguresa prezenti de serie A ghe ze: el sistema anti blocagio de łe rode motrisi (ABS), el repartidor de frenada (EBD), dispozitivo de frenada asistìa (BAS), airbag łado guida e łado pasezier dizativabiłe, A ze prezente in pì i zbregacałigo (fendinebia). Łe varsion pì costoze łe despone anca dei airbag łaterałi e par ła testa, controło ełetrònego de ła stabiłità (ESP) e de ła trasion (TCS). Inte'l 2008 ła Hyundai i10 ła vien sotoposta ai crash test da l'ente Euro NCAP totałizando el pontezo conplesivo de cuatro stełe so un màsemo de sincue: ła monovołume coreana ła demostra na major atension par ła seguresa soratuto inte ła protesion dei adulti, ła reseve cuatro stełe (so sincue) anca inte ła protesion dei putełi e tre stełe (so cuatro) inte l'investimento pedoniAnalisi del test EuroNCAP .
Restyling 2010
Inte'l setenbre 2010 ła Hyundai ła introduze un restyling par ła i10 che'l vede modìfeghe soratuto a'l frontałe de ła vetura co l'adosion de ła nova całandra ezagonałe ispirada a'l łenguajo stiłìstego Fluidic Sculpture za adotà dai modełi pì grandi cofà łe i30, i40, ix35. El logo de ła caza el vien spostà inte ła całandra, i modełi de ponta i introduze i retrovizori co i indegadori de diresion inglobài. A'l posterior redesenjà el paraurti e i ferałi (i ciari). Anca i interni i vien renovài co'l novo cuadro comandi che'l ingloba un computer de bordo pì grando co łuze a LED e vien zontà i comandi a'l vołante par łe varsion dotàe de Bluetooth. Vien proponesti novi tesùi interni in cołor roso e nero e anca novi serci in łiga da 14" e coverziserci.
Protòtipi derivà da ła i10
Da ła i10 ze stà recavà serti protòtipi prezentài inte i prensipałi sałoni intarnasionałi: ła prima in órdene cronołòzego ła ze stada ła Hyundai i10 i-Blue reałizada par el Sałon de Zinevra edision 2009 Hyundai presenta la i10 i-Blue concept car che'l ga antisipà ła futura gama ecołòzega BlueDrive caratarìzada da motori picenini e parchi inte i consumi co emision incuinante łimitàe: infati 'sta spesiałe i10 ła venjea caratarìzada da un motor tre siłindri de sołi 800 cm³ dotà de turboconpresor, funsionante sia a benzina che a metano, capase de erogar 98 cavałi (72 kW) e de eméter 65 grami de anidride carbònega a'l chiłometro inte'l siclo misto. Estetegamente el se difarensiava par l'aerodinòmega acurada co całandra serada e vernizada de blé (l'isteso cołor de ła carosarìa) co aerografie de cołor verde in stiłe nìo d'ave. Drìo ła caza el motor 800 trisiłìndrego el achipajarà serti modełi futuriIn arrivo il motore 800 tre cilindri Turbo.
Inte'l 2012 ła i10 co'l motor 1.2 a cuatro siłindri (a cauza de łe scarse rechieste) no ła vien inportada pì in Itałia, mentre da l'inisio de'l 2013, el 1.0 a benzina, senpre in Itałia, no'l zera stà pì inportà, sostituìo da'l 1.1 (ùnego motor in łistin fin a'l 2013, fin a ła fine de ła produsion) proposto anca co ałimentasion bifuel a GPLAggiornamento gamma i10 (inte un primo momento denominada BlueDrive, da'l majo 2013 rebatezada Econext).