Emma Marrone, conosùa anca cofà Emma, pseudònemo de Emmanuela Marrone (Firense, 25 de majo 1984), ła ze na cantaudora e atora itałiana.
Daspò algune espariense inte l'anbito muzegal co racuanti grupi, ła ze montada a ła rebalta cofà cantante sołista intrà el 2009 e el 2010, otenjendo ła vitoria a ła nona edision de'l talent show Amici di Maria De Filippi e firmando un contrato con l'eticheta discogràfega Universal Music Group.
Ła ga partesipà tre volte a'l Festival de Sanremo, trionfando inte l'edision 2012 co Non è l'inferno. Inte'l 2014 ła ze stà sernìa, come raprezentante de l'Itałia, a l'Eurovision Song Contest 2014 co'l brano La mia città, clasifegandose a ła 21ª pozision. Inte'l voltar de ła só cariera ła ga resevùo, par zonta, pluzori altri reconosimenti, tra cui un Venice Music Award, un TRL Award, 3 MTV Awards e 15 Wind Music Awards par łe vendite dei só àlbun, singołi e live, premià come dischi d'oro, de platino e multiplatino. Inte'l córar de ła só cariera ła ga par zonta resevùo varie candidature ai MTV Europe Music Awards e ai World Music Award.
A novenbre 2015 ła cantante ła ga vendùo oltra un miłion de copie in Itałia tra àlbun e singołi.
Notasion
Categoria:Cantanti itałiani Categoria:Pàjine co erori inte łe nòde Categoria:Nasesti inte el 1984