Monthei Eriksen Haug () var ein norsk gardbrukar og stortingsmann frå Nord-Odal i Hedmark. Han var medlem av Venstre.
Haug var son til ein gardbrukar. Han tok underoffisereksamen ved det norske jegerkorps i 1882, og gjekk i 1885 på Sagatun Folkehøyskole. I 1889 tok han over farsgarden Haug og dreiv sidan denne. Frå 1891 var han medlem av heradsstyret i Nord-Odal, ordførar i perioden 1895-1901. Han var medlem av ei rekke utval, både kommunalt, på amtsnivå og på nasjonalt nivå. Mellom anna var han medlem av Parisdelegasjonen i 1904, og av vassdragslovskommisjonen.
Haug møtte på første gongen på Stortinget 10.-16. juli 1896, som 3. varamann frå Hedemarkens amt. I tida 1900-06 var han fast representant for same amtet, medan han 1906-09 representerte einmannskrinsen Vinger og Odalen. Heile tida 1900-09 var han medlem av Lagtinget og av landbrukskomiteen, sekretær for sistnemnde åra 1906-09.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1901-1903 Kategori:Stortingsrepresentantar 1904-1906 Kategori:Stortingsrepresentantar 1907-1909 Kategori:Stortingsrepresentantar for Hedmark Kategori:Stortingsrepresentantar frå Venstre Kategori:Ordførarar i Nord-Odal Kategori:Venstreordførarar i Hedmark Kategori:Folk frå Nord-Odal