Jürgen Schult () er ein tidlegare austtysk diskoskastar. Den 6. juni 1986 sette Schult ny verdsrekord i diskoskast i Neubrandenburg i Tyskland. Han kasta 74,08 meter og slo den tidlegare rekorden til Jurij Dumtsjev med heile 2,22 meter. Verdsrekorden til Schult er framleis ikkje blitt slått. Dei som har kome nærmast, er litauaren Virgilijus Alekna som kasta 73,88 i Kaunas i 2000Virgilijus Alekna hjå Iaaf.org og estaren Gerd Kanter som har kasta tredje lengst i verda med 73,38.Michael Butcher: Kanter 73,38 m in Helsingborg
Karriere
Jürgen Schult fekk ikkje delta under sommar-OL 1984 i Los Angeles av di Aust-Tyskland boikotta desse olympiske leikane. Hans fyrste OL-deltaking vart i Seoul i sommar-OL 1988. Her var det Schult som til slutt gjekk av med sigeren med eit kast på 68,82 meter framfor Romas Ubartas frå Sovjetunionen.
Etter sigeren kom den tidlegare diskoskastaren Wolfgang Schmidt for å gratulera Schult med sigeren, men Schult avviste gratulasjonen. Schmidt hadde tidlegare tevla for Aust-Tyskland, men hadde no flytta over muren til Vest-Tyskland.
Under sommar-OL 1992 i Barcelona tevla Jürgen Schult det sameinte Tyskland. Her fekk han olympisk sølv, berre slått av Romas Ubartas, som no tevla for Litauen.
I tillegg til OL-prestasjonane vart Jürgen Schult m.a. verdsmeister i diskos i Roma i 1987 og europameister under EM i friidrett 1990 i Split. Han tok medaljar under VM i friidrett 1993, 1997 og 1999 før han gav seg som toppidrettsmann. I seinare tid har han vore aktiv som friidrettstrenar.
Kjelder
Denne artikkelen bygger på «Jürgen Schult» frå , den 10. august 2012.
Bakgrunnsstoff World Athletics
Kategori:Tyske diskoskastarar Kategori:Austtyske idrettsutøvarar Kategori:Verdsmeistrar i friidrett Kategori:Europameistrar i friidrett for Aust-Tyskland Kategori:Olympiske meistrar for Aust-Tyskland Kategori:Olympiske sølvmedaljevinnarar for Tyskland Kategori:Medaljevinnarar under sommar-OL 1988 Kategori:Austtyske deltakarar under sommar-OL 1988 Kategori:Friidrettsutøvarar under sommar-OL 1988 Kategori:Medaljevinnarar under sommar-OL 1992 Kategori:Tyske deltakarar under sommar-OL 1992 Kategori:Friidrettsutøvarar under sommar-OL 1992 Kategori:Tyske deltakarar under sommar-OL 1996 Kategori:Friidrettsutøvarar under sommar-OL 1996 Kategori:Tyske deltakarar under sommar-OL 2000 Kategori:Friidrettsutøvarar under sommar-OL 2000