Bindestrek (-) er eit skriftteikn danna av ein kort vassrett strek i middels høgd på linja. Bindestreken blir brukt til å binde saman ordledd i samansette ord og ord som er delte av linjeskift, og som erstatning for ordledd i visse uttrykk, til dømes ved gjentakingar. Bindestreken er kortare og har eit anna bruksområde enn tankestreken. Vi finn bindestreken til høgre for punktumet på eit vanleg norsk tastatur.
Hard bindestrek Ønsker vi ein hardbindande bindestrek, slik at ord som fell på slutten av ei linje ikkje skal bli delt ved bindestreken, kan vi bruke hard bindestrek. I Word får vi hard bindestrek ved å taste tre tastar samtidig: <Shift> <Ctrl> < - >.
Døme på bruk av bindestrek I samansette geografiske uttrykk: Nord-Noreg, Latin-Amerika (men nordnorsk, latinamerikanar) Musikk-Noreg, Nazi-Tyskland
I ord som inneheld tal, forkortingar eller visse forstavingar: 50-årsdag (men femtiårsdag), 1900-talet ikkje-røykjar, a-mollskonserten cd-en, pc-brukar
I visse samansette uttrykk: berg-og-dal-bane Ole Brumm-politikk Grå-stær-pasient kan vere vel så bra som «grå stær-pasient», sjølv om sjukdommen i seg sjølv skrivest «grå stær»
Som ordledderstatting: bindestrek erstattar «vesen» i «post- og telegrafvesen»
Kjelder
Korrekturavdelingen - Bindestrek
Kategori:Skiljeteikn