Vladimir Mikhajlovitsj Smirnov () er ein tidlegare langrennsløpar frå Kasakhstan, som blant nordmenn fekk kallenamnet «Smirre». Han debuterte internasjonalt som skiløpar under VM i Davos i 1982. Sidan har han delteke i mange internasjonale skitevlingar, og var ofte ein arg konkurrent til Bjørn Dæhlie.
Skikarriere
Smirnov har vunne ei rekkje medaljar i karrieren sin. Under Vinter-OL 1988 i Calgary vann han sylv på 30 km og bronse på 15 km. Under Vinter-OL 1994 på Lillehammer vann han gull på 50 km - dette var Kasakhstan sin fyrste olympiske gullmedalje. Under same OL vann han sylv på både 10 km og 15 km. I 1994 vart han tildelt Holmenkollmedaljen saman med Ljubov Jegorova og Espen Bredesen for skiprestasjonane sine.
Smirnov vann også VM-gull på 30 km, 15 km og 10 km i 1995, og VM-sylv på 15 km og 10 km i 1993, samt bronse på 30 km i same meisterskapen. Han har VM-bronse på 15 km og 30 km frå 1991, samt 50 km frå 1995. Smirnov vann verdscupen samanlagt i 1991 og 1994 og har 30 einskilde sigrar i verdscupen. Han deltok også i Vinter-OL 1998 i Nagano, men har vart ein tredjeplass på 25 km den beste prestasjonen hans.
Anna
Etter at han la opp som skiløpar var han Kasakhstan sitt medlem i IOC (den internasjonale olympiske komitéen) frå 1999 til 2001. Deretter var han medlem i IOC sin atlet-kommisjon frå 1998 til 2004. Smirnov var også leiar for kommitéen som kjempa for å få Vinter-OL 2014 til Alma Ata i Kasakhstan, men bodet vart avvist i 2006. Han har også vore ein av visepresidentane i International Biathlon Union (det internasjonale skiskytingsforbundet).
Smirnov deltok også i TV 2-programmet Gutta på tur, saman med Bjørn Dæhlie, Vegard Ulvang, Arne Brimi og Arne Hjeltnes då dei reiste på tur i Kasakhstan.
Smirnov budde i Sundsvall i Sverige frå 1991 til 2007 som svensk statsborgar med familien sin. I 2007 flytta han tilbake til Kasakhstan.
Kjelder
Biografi på sports-reference.com Resultatliste hjå FIS. Gutta på tur på Filmfront.no Engelsk intervju på sportsillustrated.com
Denne artikkelen bygger på «Vladimir Smirnov» frå , og «Vladimir Smirnov» frå den 27. mai 2010.
Kategori:Kasakhstanske langrennsløparar Kategori:Sovjetiske langrennsløparar Kategori:Vinnarar av Holmenkollmedaljen Kategori:Verdsmeistrar i langrenn Kategori:Olympiske medaljevinnarar i langrenn Kategori:Olympiske meistrar for Kasakhstan Kategori:Olympiske sølvmedaljevinnarar for Kasakhstan Kategori:Olympiske sølvmedaljevinnarar for Sovjetunionen Kategori:Olympiske bronsemedaljevinnarar for Kasakhstan Kategori:Olympiske bronsemedaljevinnarar for Sovjetunionen Kategori:Medaljevinnarar under vinter-OL 1988 Kategori:Sovjetiske deltakarar under vinter-OL 1988 Kategori:Langrennsløparar under vinter-OL 1988 Kategori:Deltakarar for SUS under vinter-OL 1992 Kategori:Langrennsløparar under vinter-OL 1992 Kategori:Medaljevinnarar under vinter-OL 1994 Kategori:Kasakhstanske deltakarar under vinter-OL 1994 Kategori:Langrennsløparar under vinter-OL 1994 Kategori:Medaljevinnarar under vinter-OL 1998 Kategori:Kasakhstanske deltakarar under vinter-OL 1998 Kategori:Langrennsløparar under vinter-OL 1998