«Hello Goodbye» er ein song av The Beatles. Songen er tilskriven Lennon/McCartney, men vart i hovudsak skriven av Paul McCartney.Turner, Steve. A Hard Day's Write: The Stories Behind Every Beatles Song, s. 139-140, Harper, New York: 1994, ISBN 0-06-095065-X «Hello Goodbye» vart gjeven ut på singel i november 1967 og toppa listene i både USA, Storbritannia og Noreg. Songen vart gjeven ut på den amerikanske utgåva av Magical Mystery Tour, som seinare vart den offisielle utgåva av albumet.
Alistair Taylor, som arbeidde for Beatles-manager Brian Epstein, spurte ein gong McCartney korleis han skreiv songane sine, og McCartney tok han inn i stova si og gav han ein demonstrasjon på eit husorgel. Han bad Taylor rope ut det motsette av det han song, medan han spelte. Taylor sa seinare at han lurte på om McCartney berre faktisk fann på songen undervegs eller om han alt hadde ein ide om korleis songen skulle vere. Uansett hadde McCartney snart gjort ferdig ei demoutgåve av songen kalla «Hello Hello».
John Lennon likte ikkje songen og meinte det var tre minuttar med motseiingar og meiningslause samanstillingar. Han mislikte songen enno meir då han vart vald som A-side, medan hans eigen «I Am the Walrus» vart plassert på B-sida av singelen. Lennon hadde forventa «I Am the Walrus» som A-sida til singelen, men Paul McCartney og George Martin meinte at «Hello Goodbye» var ein meir kommersiell song. Denne krangelen mellom Lennon og McCartney fekk Lennon til å seie etter The Beatles gjekk frå kvarandre at «eg var lei av å vere støttebandet til Paul».
Dei siste linjene av songen, der heile bandet syng «Hela, hey-ba hello-a» kom spontant i studio.
Det vart filma minst tre promo-videoar for «Hello Goodbye», men desse vart ikkje vist på BBC på grunn av dei strenge reglane til Musicians Union om miming til musikk.
Songen gjekk til topps på listene i både USA, Storbritannia og Noreg.
Medverkande I følgje Ian MacDonald:
The Beatles Paul McCartney – solovokal, korvokal, piano, bass, bongo, conga John Lennon – korvokal, sologitar, Hammondorgel George Harrison – korvokal, sologitar Ringo Starr – trommer, maracas, tamburin, korvokal (over coda)
Andre musikarar og produksjon Kenneth Essex – bratsj Leo Birnbaum – bratsj George Martin – produsent Geoff Emerick – lydteknikar Ken Scott – lydteknikar
Salslister og salstrofé
Vekeslister Liste (1967–68)PlasseringAustralske Go-Set National Top 401Den austerrikske singellista2Den belgiske singellista2Kanadiske RPM 1001Den nederlandske singellista1Franske SNEP1Irish Singles Chart2Norske VG-lista1Svenske Kvällstoppen1Sveitsiske Hitparade2UK Record Retailer Chart1US Billboard Hot 1001 US Cash Box Top 1001Vesttyske Musikmarkt Hit-Parade1
Årslister Liste (1968)PasseringAustralske Go-Set National Top 4038Austerrike17Belgia46Kanadiske RPM 10030Nederland60Italienske HitParade80
Salstrofé
Kjelder
Denne artikkelen bygger på «Hello Goodbye» frå , den 8. februar 2009. oppgav desse kjeldene:
Kategori:Singlar frå 1967 Kategori:Songar frå 1967 Kategori:The Beatles-songar Kategori:Parlophone-singlar Kategori:Capitol Records-singlar Kategori:Songar skrivne av Lennon–McCartney Kategori:Songar produserte av George Martin Kategori:Nummer-ein-singlar i Storbritannia Kategori:Songar på toppen av Billboard-lista Kategori:Songar på toppen av VG-lista Kategori:Nummer-ein-singlar i Tyskland Kategori:Nummer-ein-singlar i New Zealand Kategori:Nummer-ein-singlar i Australia Kategori:Nummer-ein-singlar i Canada Kategori:Nummer-ein-singlar i Nederland Kategori:Nummer-ein-singlar i Frankrike Kategori:Nummer-ein-singlar i Sverige Kategori:James Last-songar Kategori:Allen Toussaint-songar Kategori:Paul McCartney-songar Kategori:The Cure-songar Kategori:Santo & Johnny-songar Kategori:Nikka Costa-songar