Thomas Reiart Reiersen () var ein norsk handelsmann og politikar frå Drammen. I 1851 var han valkrinsen Drammen sin 1. representant i Stortinget.
Reiersen var son til ein kjøpmann. Sjølv tok han handelseksamen i 1834 og var deretter fullmektig hos ein meklar i heimbyen. Seinare dreiv han handel i Drammen, før han i 1857 flytta til Tjøme i Vestfold, der han opna landhandel. År 1871 flytta han til Kristiania der han livnærte seg som «Bogholder og commissionær, privat».
Reiersen var i 1851 ein av tre stortingsmenn frå Drammen. På Tinget var han medlem i Protokollkomiteen.
Kjelder Lindstøl, Tallak: Stortinget og Statsraadet 1814-1914. Kristiania, 1914 Folketeljinga 1875
Kategori:Stortingsrepresentantar 1851-1853 Kategori:Folk frå Drammen