Meisterligaen i handball 2024 for menn var ei turnering arrangert av Europas handballforbund (EHF) som tok til 13. september 2023. Turneringa med 16 deltakande lag opna med seriespel i to grupper à 8 lag. Dei to beste laga i dei to gruppene gjekk rett til kvartfinalane, laga på plassane 3-6 møttest til cupspel om plass i kvartfinalane. Laga som vann kvartfinalane møttest til sluttspel i Köln 8. og 9. juni.
Spanske FC Barcelona gjekk til topps i turneringa gjennom å vinne over danske Aalborg Håndbold med 31–30 i finalekampen. I semifinalen slo Barcelona tyske THW Kiel med suverene 30–18. Tidlegare eliminerte Barcelona franske Paris Saint-Germain med siffera 62–53 i kvartfinalane.
Sluttspelet Semifinalane: Aalborg HB – SC Magdeburg 31–30 FC Barcelona – THW Kiel 30–18 Bronsefinalen: THW Kiel – SC Magdeburg 32–28
Finalen Barcelona tok føringa og gjekk opp i 5–2. Aalborg utlikna til 8–8. Resten av omgangen låg det spanske laget jamnt framom, før Aalborg utlikna til 14–14 og pausestillinga 15–15. I den andre omgangen fylgde laga kvarandre, med Barcelona i førarsetet. Knapt fire minutt før slutt auka Barcelona til 30–27 og kontrollerte inn til siger 31–30.
For Barcelona skåra Melvyn Richardson 8, Dika Mem 7 og Timothey N'Guessan 6 mål. Jonathan Carlbogård, Blaž Janc, Aleix Gómez, Luís Frade, skår kvar sine 2 mål, medan Hampus Wanne og Petar Cikusa fekk kvar si nettkjenning. Emil Nielsen og Gonzalo Pérez de Vargas var målvakter.
Mikkel Hansen vart toppskårar for Aalborg med 8 fulltreffarar. Norske Kristian Bjørnsen og Sebastian Barthold skåra høvesvis 4 og 2 mål for det danske laget.
Kjelder
Denne artikkelen bygger på «EHF Champions League der Männer 2023/24» frå , den 21. juni 2025.
Kategori:Handball Kategori:Handball i 2024 Kategori:Idrettstilskipingar i Tyskland