Noregsmeisterskapen i handball 1987/88 for menn enda med triumf for Idrettsforeningen Urædd frå Porsgrunn, etter finalesiger 19–18 over Stavanger Idrettsforening. Dermed forsvarte Urædd meistertittelen frå sesongen i førevegen.
Finalen Finalen vart avvikla i Stavanger Idrettshall sundag 10. januar 1988 framfor 6 300 tilskodarar. Urædd gjekk opp i leiinga 6–3, før SIF snudde til pausestillinga 10–9. I den andre omgangen hadde SIF føringa inntil 15–15. Då tok Urædd over og kom opp i 18–16. SIF utlikna så til 18–18. Seks sekund før sluttsignalet avgjorde Roger Kjendalen kampen med si andre skåring for dagen.
Urædd-måla kom frå Jonny Haugen (5), Roger Kjendalen og Kjetil Larsen (3, begge), medan Jørgen Young, Eskil Berg Andreassen, Bent Svele og Stein Høibø skåra kvar sine 2 mål. Målvakta Pål Oldrup Jensen vart kåra til finalens bestemann.
Danske Morten Stig Christensen vart toppskårar i kampen med sine 6 nettkjenningar for Stavanger IF. Også Ketil Sævereide, Hans Inge Skadberg, Per Kristian Michaelsen og Olav Henning Vatne kom på skåringslista. Det gjorde ikkje Tom Tvedt og målvakta Espen Karlsen.
Dommarane Per Erik Sjong og Jan Rolf Ludvigsen straffa Stavanger IF ei tominutts-utvising.
Kjelder Porsgrunns Dagblad, 11. januar 1988 Rogalands Avis, 11. januar 1988
1988 Kategori:Idrettstilskipingar i Rogaland Kategori:Noregsmeisterskap i 1988 Kategori:Handball i 1988