Auður Auðuns () var ein islandsk jurist og politikar for Sjálfstæðisflokkurinn (Sjølvstendepartiet). Ho var den fyrste kvinnelege juristen (1935), den fyrste kvinnelege ordføraren (1959) og den fyrste kvinnelege ministeren (1970) på Island.
Liv og virke Bakgrunn Auður var yngste barn av Jón Auðunn Jónsson.«Jón Auðunn Jónsson», Alltinget. Vitja 13. januar 2019. Faren var bankfunksjonær, engasjert i lokalpolitikken og alltingsmann frå 1919 til 1937. Han representerte det konservative partiet Íhaldsflokkurinn og seinare Sjálfstæðisflokkurinn.
Auður tok studenteksamen ved Menntaskólinn í Reykjavík i 1929.«Auður Auðuns», Alltinget. Lest 13. januar 2019. Så studerte ho juss og avla, som fyrste islandske kvinne, juridisk embetseksamen ved Háskóla Íslands i 1935.«Auður Auðuns», Konur og stjórnmál, Landsbókasafn Íslands – Háskólabókasafn. Vitja 13. januar 2019.
Frå 1940 til 1960 var Auður advokat i mødrehjelpsnemnda i Reykjavík.
Politisk virke Auður var vararepresentant til Alltinget i 1947 og 1948. I 1959 blei ho vald som medlem av Alltinget for Sjálfstæðisflokkurinn (Sjølvstendepartiet). Ho vann seinare attval og var alltingsmedlem til 1974. Frå 1946 til 1970 var ho også kommunepolitikar i Reykjavík. Saman med Geir Hallgrímsson var ho ordførar i Reykjavík frå november 1959 til oktober 1960. Også i lokalpolitikken var Auður føregangskvinne og var den fyrste kvinnelege ordføraren på Island.
Frå 10. oktober 1970 til 14. juli 1971 var Auður justis- og kyrkjeminister i regjeringa til statsminister Jóhann Hafstein. Dette var fyrste gongen at ei kvinne fekk ein ministerpost på Island.Björg Einarsdóttir: «Auður Auðuns», Andvari, årg. 129, 2004, s. 11.
Internasjonalt representerte Auður Island i Generalforsamlinga til SN i 1967 og leia den islandske delegasjonen ved kvinnekonferansen til SN i Mexico by i 1975.
Utmerkingar I 1961 blei Auður utnemnd til storriddar av Den islandske falkeordenen.
Auður var aktiv i Kvenréttindafélag Íslands og blei utnemnd til æresmedlem i anledning 70-årsjubileumet til foreininga i 1985.
Kjelder
Denne artikkelen bygger på «Auður Auðuns» frå , den 10. mars 2024.
Kategori:Islandske juristar Kategori:Islandske politikarar Kategori:Den islandske falkeordenen