Nanna Michelet () var ein norsk agronom og sosialarbeidar.
Bakgrunn Nanna Michelet var dotter av kvinnesaksforkjemparen Marie Michelet og teologiprofessoren Simon Michelet. Ho var kalla opp etter mormora si Nanna Storjohann. Både mormora og foreldra hennar var tilhengjarar av at kvinner skulle ta del i samfunnslivet, og var alle tre aktive innan velgjerdsarbeid og avhaldsrørsla.
Michelet hadde to systrer: Den eldre Bolette (Bodhild) Christine og den yngre Julie (Caroline Julie Magdalene). Bolette gifta seg i 1912 med den tyske presten Theodor Eduard Burkhardt og flytta til Tyskland. Julie Michelet blei tilsett ved The Art Institute of Chicago i 1925, og i 1931 opplyste jubileumsskriftet som blei gjeve ut i anledning 50-årsjubileet for studentkullet til faren, at Julie då hadde stillinga som «Keeper of Muhammedan Art» ved museet.
Utdanning Michelet studerte ved Landbrukshøgskolen på Ås, og blei i 1916 den fyrste kvinnelege landbrukskandidaten i Noreg.
Sosialarbeid Faren til Michelet grunnla i 1920 det såkalla «Studentersettlementet» i Fossgården på Grünerløkka i dåverande Kristiania. I 1924 gjekk Nanna inn som leiar for Studentersettlementet.
Bibliografi (utval) Christian Müller : 17.4.1904 - 8.2.1933, Oslo (1934): et minneskrift om sosialarbeideren Christian Müller
Prisar og utmerkingar I 1964 blei Nanna Michelet tildelt Kongens fortenestemedalje i gull for sitt arbeid som settlementsleiar.
Kjelder
Denne artikkelen bygger på «Nanna Michelet» frå , den 10. mars 2024.
Kategori:Kongens fortenestmedalje i gull Kategori:Norske agronomar Kategori:Norske sosialarbeidarar