Mariana Brito da Cruz Forjaz Secca (), kjend under artistnamnet Maro, er ein portugisisk songar og låtskrivar. Ho representerte Portugal i Eurovision Song Contest 2022 med songen «Saudade, saudade».
Bakgrunn Secca vart fødd og vaks opp i Lisboa med ein italiensk far og portugisisk mor. Allereie som barn dreiv ho med musikk, og hun skreiv sin fyrste song som elleveåring. Ho spelar både gitar og elbass. Etter skulegangen drog ho til USA for å studere ved Berklee College of Music i Boston. Etter dette etablerte ho seg i Los Angeles for å vidareutvikle musikkarrieren.
I 2018 slapp Maro debutalbumet Maro, vol. 1, tett følgt av Maro, vol. 2 og Maro, vol. 3. Albuma vart oppdaga av den engelske musikaren Jacob Collier, som hjalp ho med å få internasjonal eksponering, blant anna som oppvarmingsartist for songaren Jessie J.
I januar 2022 vart Maro kunngjord som ein av deltakarane i den 56. utgåva av Festival da Canção, den portugisiske uttakinga til Eurovision Song Contest. Ho deltok med den engelsk- og portugisiskspråklege låten «Saudade, saudade», som ho har skrive saman med John Blanda. I finalen laurdag 12. mars 2022 vann ho både jury- og telefonavrøystinga og fekk dimed representere Portugal i Eurovision Song Contest 2022 i Torino. Der enda ho på niandeplass, den beste plasseringa til Portugal sidan sigeren i 2017.
Diskografi Studioalbum 2018 – Maro, vol. 1 2018 – Maro, vol. 2 2018 – Maro, vol. 3 2018 – Maro & Manel (med Manuel Rocha) 2018 – It's OK 2022 – Can You See Me?
EP-ar 2021 – Pirilampo 2022 – we've been loving in silence
Singlar 2019 – «Midnight Purple» (med Nasaya) 2019 – «Why» (med Ariza) 2019 – «What Difference Will It Make» 2020 – «Mi condena» (med Vic Mirallas) 2021 – «Tempo» (med Nasaya) 2021 – «I See It Coming» (med Nasaya) 2022 – «Saudade, saudade» 2022 – «Am I Not Enough for Now?» 2022 – «We've Been Loving in Silence» 2022 – «It Keeps on Raining» 2022 – «Like We're Wired»
Som gjesteartist 2019 – «Lua» (Jacob Collier med Maro) 2021 – «Walk Above the City» (The Paper Kites med Maro) 2022 – «Better Now» (Odesza med Maro)
Referansar
Denne artikkelen bygger på «Mariana Secca» frå , den 2. november 2022.
Kategori:Portugisiske songarar Kategori:Portugisiske musikarar Kategori:Portugisiske Eurovision Song Contest-deltakarar Kategori:Portugisiske Eurovision Song Contest-låtskrivarar Kategori:Eurovision Song Contest 2022-deltakarar Kategori:Eurovision Song Contest 2022-låtskrivarar