Myrmarihand (Anacamptis palustris) er ei plante i narrmarihandslekta Anacamptis i orkidéfamilien (marihandfamilien) Orchidaceae. Ho veks ikkje i Noreg.
Systematikk Myrmarihand var tidlegare knytt til vårmarihandslekta Orchis med namnet Orchis palustris, men er, saman med fleire andre artar, flytta til slekta Anacamptis.
I Plants of the World Online (Kew) reknar ein med desse underartane: A. palustris subsp. elegans (Heuff.) R.M.Bateman, Pridgeon & M.W.Chase: Austlege og søraustlege Europa til Midtausten og Sentral-Asia A. palustris subsp. palustris
Utbreiing I Norden finst myrmarihand (svensk namn kärrnycklar) berre på Gotland. Arten har gått mykje attende på grunn av tørrlegging av myr, og er rekna som sårbar (VU) i Sverige.
I Belgia er arten (som Orchis palustris, nederlandsk namn moerasorchis) rekna som regionalt utdøydd (RE, verdwenen uit het atlasgebied) i Flandern. I Tyskland er arten (som Orchis palustris, tysk namn Sumpf-Knabenkraut) rekna som kritisk truga (CR, Von Aussterben bedroht). I Polen er arten (som Orchis palustris, polsk namn storczyk błotny) rekna som kritisk truga (CR, krytycznie zagrożony).
Referansar
Bakgrunnsstoff
Kategori:Orkidear i Sverige Kategori:Orkidear i Belgia Kategori:Orkidear i Tyskland Kategori:Orkidear i Polen Kategori:Narrmarihandslekta