Ingrid Landmark Tandrevold () er ein norsk skiskyttar frå Bærum i Akershus. Ho vann VM-gull i 4 x 6 km stafett med Noregs lag under VM i skiskyting 2019, ein meisterskap der ho også vann sølvmedaljen i 7,5 km sprint. Tandrevold er medlem i Fossum Idrettsforening.
Aktiv Tandrevold vart norsk meister i normalprogrammet allereie i 2015. Ho deltok i vinter-OL 2018 i Pyeongchang utan å utmerke seg i dei individuelle tevlingane, men var med å gå Noregs kvinne-stafettlag inn til fjerdeplass. Tandrevold fekk sitt internasjonale gjennombrot i 2019-sesongen. I verdscuptevlingane i Ruhpolding gjekk ho inn til andreplass i fellesstart. Under verdsmeisterskapen 2019 i Östersund slo ho til med to fulle skytehus og andreplass i 7,5 km sprint, slått med 9,7 sekundar av gullvinnar Anastasija Kuzmina frå Slovakia. Ei veke seinare gjekk Tandrevod ein prikkfri andreetappe for det norske vinnarlaget i 4 x 6 km stafett, dei andre verdsmeistrane var Synnøve Solemdal, Tiril Eckhoff og Marte Olsbu Røiseland.
Kjelder Denne artikkelen bygger på «Ingrid Landmark Tandrevold» frå , den 18. mars 2019. IBU-profil
Bakgrunnsstoff
Kategori:Norske skiskyttarar Kategori:Verdsmeistrar i skiskyting Kategori:Noregsmeistrar i skiskyting Kategori:Norske deltakarar under vinter-OL 2018 Kategori:Skiskyttarar under vinter-OL 2018 Kategori:Norske deltakarar under vinter-OL 2022 Kategori:Skiskyttarar under vinter-OL 2022 Kategori:Deltakarar under VM i skiskyting 2019 Kategori:Deltakarar under VM i skiskyting 2020 Kategori:Deltakarar under VM i skiskyting 2021 Kategori:Deltakarar under VM i skiskyting 2023 Kategori:Deltakarar under VM i skiskyting 2024 Kategori:Deltakarar under VM i skiskyting 2025 Kategori:Folk frå Bærum