Helen Lyndon Goff (), kjend som Pamela Lyndon Travers eller P.L. Travers, var ein australsk-britisk forfattar og skodespelar som særleg er kjend for barnebøkene om Mary Poppins.
Liv P.L. Travers var fødd i Maryborough i Queensland i Australia. Faren Travers Robert Goff var irsk-engelsk. Han var banskjef i Australia, men blei seinare degradert til bankkasserar. Moren var syster av ein britisk koloniadministrator. Travers gjekk på kostskule i Sydney, og verka seinare som skodespelarar i eit turnekompani. Samstundes gav ho ut dei første dikta og forteljingane sine i ulike blad. Ho flytta til London i 1924, der ho etablerte seg som forfattar. Gjennom venskap med forleggjarane (stesonen til J.M. Barrie, ofte rekna som modellen til Peter Pan) og George William Russell fekk ho innpass i eit litterært miljø.
Travers engasjerte seg i new age-inspirerte og okkulte miljø,Kari Sønsthagen og Torben Weinreich. Leksikon for børnelitteratur. Branner og Korch, 2003. ISBN 87-411-5970-5 og møtte Georgij Ivanovitsj Gurdjieff, som ho seinare skreiv om i Man, Myth and Magic: Encyclopedia of the Supernatural (1971).gurdjieff.org På 1960-talet studerte ho zen i Japan, og på 1970-talet budde ho med hopifolk i USA.
Ho gifta seg aldri, men skal ha hatt forhold til både kvinner og menn.Valerie Lawson. Mary Poppins She Wrote. Aurum Press, 2005. ISBN 1-84513-126-6 I 1939 adopterte ho den irskfødte Camillus Travers Hone (1937-2011).Mary Poppins writer took baby because she 'loved Ireland' Sunday Mirror, 19.1.2003.
Ho blei utnemnd til offiser av Order of the British Empire i 1977.
Virke Travers er i ettertid nesten berre kjend for barnebøkene sine om Mary Poppins, men mislikte sjølv rolla som barnebokforfattar, og var sterkt kritisk til Disney sin filmversjon av bøkene.Caitlin Flanagan. Becoming Mary Poppins: P. L. Travers, Walt Disney, and the making of a myth. I: The New Yorker, 12. desember 2005 Livet til Travers, og forholdet hennar til Disney, er tema for spelefilmen Saving Mr. Banks (2013).
Andre bøker ho skreiv er barneboka I Go By Sea, I Go By Land (1941), som fortel om to barn som blir evakuerte frå Storbritannia til USA under andre verdskrigen.Peter Hunt. «Retreatism and advance (1914-1945)». I: Children’s Literature, an illustrated history. Edited by Peter Hunt. Oxford University Press, 1995. ISBN 0-19-212320-3
Sjølv nemnde Traver boka Friend Monkey (1971) som si eiga favorittbok «because the Hindu myth on which it is based is my favorite — the myth of the Monkey Lord who loved so much that he created chaos wherever he went».
Utgjevingar
Bøker om Mary Poppins Mary Poppins (1934) Mary Poppins Comes Back (1935) Mary Poppins in the Park (1935) Mary Poppins Opens the Door (1943) Mary Poppins From A-Z (1962) Mary Poppins in the Kitchen (1975) Mary Poppins in Cherry Tree Lane (1982) Mary Poppins and the House Next Door (1988)
Andre bøker I Go By Sea, I Go By Land (1941) Gingerbread Shop (1952) Mr. Wigg's Birthday Party (1952) The Magic Compass (1953) Fox at the Manger (1962) Friend Monkey (1971) Two Pairs of Shoes (1980)
Kjelder
Denne artikkelen bygger på «P.L. Travers» frå , den 29. april 2018.
Bakgrunnsstoff
Kategori:Britiske barnebokforfattarar Kategori:Australske skodespelarar Kategori:Engelskspråklege forfattarar Kategori:Folk frå Queensland Kategori:Order of the British Empire