Wawiriya Burton er ein australsk aboriginarkunstnar fødd på 1920-talet. Ho er kjend for akrylmåleri som representerer heilage forteljingar frå Draumetida.
Bakgrunn Wawiriya høyrer til pitjantjatjarafolka frå sentrale Australia. Ho blei fødd i eit outbackområde nær Sør-Australia på 1920-talet. Ho voks opp i ein tradisjonell, nomadisk livsstil. Familien hennar heldt til i faren sitt heimeområde rundt noverande Pipalyatjara. Burton blei ein tradisjonell lækjar (ngangkaṟi), og fekk gjennom dette meir kunnskap om heilage tradisjonar enn mange andre i samfunnet sitt.
Virke Wawiriya Burton slo seg ned i Amaṯa, der ho byrja å arbeida ved Tjala Arts centre i 2008. Tjala (opphavleg Minymaku Arts) var blitt skipa av lokale kvinner i 1999. Ho byrja med å skjera ut tre og laga korger av Triodia-gras, men lærte etterkvart å måla av andre kvinner ved kunstsenteret.
Som andre aboriginarkunstnarar inneheld verka til Burton krypterte representasjonar som berre dei som er initierte i den tradisjonelle kunnskapen kan forstå fullstendig.
Verka hennar er blitt stilte ut i Sydney, Canberra, Melbourne, Adelaide, Perth og Alice Springs. National Gallery of Victoria, Art Gallery of New South Wales, og Art Gallery of South Australia har verk av Burton.
Prisar og utmerkingar
2010: Finalist i Telstra Prize 2017: Finalist i NATSIAA, MAGNT, Darwin, NT 2017: Finalist i Wynne Prize
Merknadar
Kjelder
Denne artikkelen bygger på «Wawiriya Burton» frå , den 15. november 2017.
Bakgrunnsstoff Tjala Arts Centre
Kategori:Fødde i 1920-åra Kategori:Australske målarar Kategori:Australske aboriginarar Kategori:Aboriginarkunst Kategori:Pitjantjatjara Kategori:Kunstnarar frå Sør-Australia