Fredrik Berggraf Austbø () er ein norsk snøbrett- og skateboardkøyrar frå Tasta i Stavanger. Han deltok under Vinter-OL 2006 i Torino, og vart som syttenåring den yngste norske utøvaren i ei individuell idrettsgrein sidan Sonja Henie. Han var teken ut til å vere med på grunnlag av sterke resultat i verdscupen.
Karriere Austbø tok til å stå på snøbrett då han var ti, og viste seg raskt å ha talent både for dette og for skating. Han har sidan markert seg i fleire tevlingar og kåringar, mellom anna er han blitt norgesmeister fleire gonger (både i streetpark og bowl), var «Skater of the year» i Europa i 2004, og kom to gonger på fjerdeplass under verdscupen i Sveits i 2006.
I OL i Torino i 2006 deltok han i halfpipe. Men veka før hadde korsbandet i det høgre kneet hans vorte øydelagt, så han hadde store smerter under konkurransen. Vinteren 2008 rauk også korsbandet i det venstre kneet, og han vart operert i april det året. Det neste store målet for Austbø er OL i Vancouver i 2010.
Fredrik Austbø har gått på Norges Toppidrettgymnas på Geilo. Han har vore profesjonell snøbrettkøyrar sidan 2004 og er sponsa av Libtech, Etnies, 32, Quiksilver og Turf.
Kjelder
«Fredrik Austbø klar for OL » av Håkon Fossmark og NTB i Stavanger Aftenblad (25.01.2006) «Austbø på tv-skjermen » av Erik Damsgaard på friflyt.no (25.02.2005) groms.tv parkguide.no
Litteratur Knut Olav Åmås [red.]: «Austbø, Fredrik» i Hvem er hvem? (Aschehoug, 2008)
Kategori:Norske snøbrettkøyrarar Kategori:Norske rullebrettkøyrarar Kategori:Norske deltakarar under vinter-OL 2006 Kategori:Snøbrettkøyrarar under vinter-OL 2006 Kategori:Norske deltakarar under vinter-OL 2010 Kategori:Snøbrettkøyrarar under vinter-OL 2010 Kategori:Folk frå Stavanger