Turmus Ayya (arabisk ترمسعيّا, hebraisk skrift תורמוס עיא) er ein palestinsk by som ligg i Ramallah og al-Bireh guvernement på Vestbreidda. I området rundt ligg landsbyane Sinjil (سنجل), Khirbet Abu Falah (خربة ابو فلاح) og den israelske busetjinga Shilo. I følgje Palestinsk statistisk sentralbyrå (PCBS) hadde han eit folketal på 3 736 i 2007.2007 PCBS Census. Palestinsk statistisk sentralbyrå. s.112.
Geografi mini|venstre|Turmus Ayya i 2007. Turmus Ayya ligg 22 km nordaust for byen Ramallah. Han dekkjer kring 18 kvadratkilometer og ligg 720 moh. Han er den nordlegaste byen i Ramallah-distriktet. Turmus Ayya har same klima som resten av det sentrale Vestbreidda, med regn om vinteren, og tørre, varme somrar.
Historie I 1596 var Turmus Ayya oppført i osmanske skattelister som ein del av Quds nahiya i Quds liwa. Han hadde eit folketal på 43 hushaldningar, alle muslimar, og betalte skatt for kveite, bygg, oliventre, vindruer, frukttre, geiter og/eller bikubar.Hütteroth and Abdulfattah, 1977, s. 113.
Den franske oppdagaren Victor Guérin vitja landsbyen i 1870, og fann her eldgamle cisterner, hus bygde av tilskjerte steinar, ein øydelagd overliggar med ein krans inngravert og fragment av ei søyle.Guérin, 1875, s. 28, som omsett i Conder og Kitchener, 1882, s. 378 Han skreiv vidare at landsbyen hadde kring 700 innbyggjarar, og vart styrt av to sjeikar og delt inn i to forskjellige område. Somme av dei gamle cisternene var nesten tørre, og kvinnene måtte hente vatn anten frå Ain Siloun eller Ain Sindjel.Guérin, 1875, s. 28
Palestine Exploration Fund skildra i Survey of Western Palestine i 1882 Turmus 'Aya som «ein landsby på ei låg høgd, med ei frodig slette, og ei kjelde i sør. Landsbyen er mellomstor, og omgjeve av frukttre. I sør, ved foten av høgda, ligg ein i augefallande kvit kuppel over den heilage staden.»Conder og Kitchener, 1882, s. 292
I folketeljinga i 1922, utført av Dei britiske mandatstyresmaktene, hadde Turmus Ayya eit folketal på 707, alle muslimar, medan han i folketeljinga i 1931 hadde 185 busette hus og eit folketal på 717, alle muslimar, utanom éi kristen kvinne.Mills, 1932, s. 51.
I 1945 var folketalet 960, alle arabarar, medan det samla landarealet var 17 611 mål, i følgje ei offisiell landmåling.Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 65 Av dette var 3 665 for plantasjar og irrigert land, 7 357 for korn,Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 113 medan 54 mål var klassifisert som utbygde område.Government of Palestine, Department of Statistics. Village Statistics, April, 1945. Sitert i S. Hadawi, Village Statistics, 1945. PLO Research Sentral, 1970, s. 163
Kjelder Denne artikkelen bygger på «Turmus Ayya» frå , den 22. september 2015. oppgav desse kjeldene:
Bakgrunnsstoff Velkomen til Turmus 'Ayya
Kategori:Byar på Vestbreidda Kategori:Ramallah og al-Bireh guvernement