Alessandro Lambruschini () er ein italiensk tidlegare hinderløpar frå Fucecchio i provinsen Firenze. Han vart europameister på 3000 meter hinder i 1994 og vann elles ein sølvmedalje og tre bronsemedaljar i ulike EM, VM og olympiske leikar i tida 1990-98.
Aktiv Lambruschini var gjennom ein tiårsperiode ein av dei aller beste europeiske hinderløparane. Han fekk sitt gjennombrot då han vann øvinga i mellomhavsleikane 1987 i Latakia i Syria, fire år seinare forsvarte han meistertittelen i Aten. I 1987 sette han elles personleg rekord på 1500 m med 3.35,2, ei tid som viste hans framifrå fartseigenskapar.
Både under sommarleikane 1988 og 1992 vart Lambruschini nummer fire på 3000 meter hinder, før han så i 1996 vann ein bronsemedalje under Sommar-OL i Atlanta. Det var tredje bronsmedaljen i ein internasjonal meisterskap. I 1990 vart han nummer tre under EM, og same plassen på sigerspallen fekk han i VM 1993 i Stuttgart. Med tida 8.08,7 sprang han i Stuttgart sitt aller snøggaste hinderløp nokon gong. I alle desse nemnde OL- og VM-tevlingane vart han slått einast av kenyanske løparar.
I 1994 vann Lambruschini gullmedaljen på 3000 m hinder då EM i friidrett fann stad i Helsingfors. Fire år seinare tok han ein ny EM-sølv, tyske Damian Kallabis vann ein greis siger.
Medaljar og plasseringar i internasjonale meisterskap VM 1987 i Roma: Nr 9 – 8.24,2 OL 1988 i Seoul: Nr 4 – 8.12,1 EM 1990 i Split: Bronsemedalje – 8.15,8 OL 1992 i Barcelona: Nr 4 – 8.15,5 VM 1993 i Stuttgart: Bronsemedalje – 8.08,7 EM 1994 i Helsingfors: Gullmedalje – 8.28,6, framom Angelo Carosi (8.29,1) VM 1995 i Göteborg: Nr 10 – 8.22,6 OL 1996 i Atlanta: Bronsemedalje – 8.11,2 VM 1997 i Aten: Braut i semifinalen EM 1998 i Budapest: Sølvmedalje – 8.16,7, bakom Damian Kallabis (8.13,1)
Kjelder Denne artikkelen bygger på «Alessandro Lambruschini» frå , den 9. mai 2015.
World Athletics
Kategori:Italienske friidrettsutøvarar Kategori:Hinderløparar Kategori:Olympiske bronsemedaljevinnarar for Italia Kategori:Italienske deltakarar under sommar-OL 1988 Kategori:Friidrettsutøvarar under sommar-OL 1988 Kategori:Italienske deltakarar under sommar-OL 1992 Kategori:Friidrettsutøvarar under sommar-OL 1992 Kategori:Medaljevinnarar under sommar-OL 1996 Kategori:Italienske deltakarar under sommar-OL 1996 Kategori:Friidrettsutøvarar under sommar-OL 1996