«Needles and Pins» er ein song skriven av Jack Nitzsche og Sonny Bono. I sjølvbiografien skriv Bono at han song i lag med gitarspelinga til Nitzsche, og skapte både melodien og teksten ved hjelp av akkordane.Sonny Bono, And the Beat Goes On (New York: Pocket Books, 1991).
Songen vart først spelt inn av Jackie DeShannon. Andre hitversjonar av songen vart spelte inn av The Searchers, Cher, Tom Petty and the Heartbreakers med Stevie Nicks, Willie DeVille, Gary Lewis & the Playboys, Smokie, the Turtles, Ultima Thule og Ramones. Han vart ein stor hit som gjekk heilt til topps i Frankrike då han vart sungen på fransk av Petula Clark kalla «La Nuit N'en finit Plus».
Jackie DeShannon-versjonen (1963) Songen vart først spelt inn av Jackie DeShannon i 1963. I USA nådde han 84. plassen på Billboard Hot 100 i mai det året.Joel Whitburn's Top Pop Singlar 1955-1990, Record Research, Inc., Menomonee Falls WI, 1991 Sjølv om han berre vart ein mindre hit i USA, toppa DeShannon-versjonen singellista i Canada i 1963. Liste (1963) Plassering Kanadiske CHUM-lista 1 U.S. Billboard Hot 100 84
The Searchers-versjonen (1964) The Searchers høyrte den britiske artisten Cliff Bennett spele «Needles and Pins» på ein klubb i Hamburg, og ønskte raskt å spele han inn sjølv. Singelen vart gjeven ut på Pye Records i januar 1964. Han gjekk heilt til topps i Storbritannia, Irland og Sør-Afrika og nådde 13. plassen på Billboard Hot 100-lista i USA. Kort tid etter, i april 1964, kom «Needles and Pins» med på det neste albumet til The Searchers, It's the Searchers.
Ein kan høyre knirkinga frå basstrommepedalen gjennom heile innspelinga, særleg i starten av songen.
Liste (1964)PlasseringAustralia Kent Music Report2Frankrike29Tyskland8Irish Singles Chart1Sverige5UK Singles Chart1US Billboard Hot 10013Noreg8Sør-Afrika1
Smokie-versjonen (1977) I 1977 spelte det engelske rockebandet Smokie inn songen som ein rockeballade for albumet Bright Lights and Back Alleys, og fekk ein hit i Europa med songen. Songen gjekk til topps i fleire europeiske land.
Ramones-versjonen (1978) The Ramones spelte inn «Needles and Pins» i 1978 på album Road to Ruin.
Tom Petty and the Heartbreakers-versjonen (1985) Tom Petty and the Heartbreakers gav ut det første konsertalbumet sitt i 1985, Pack Up the Plantation: Live!, der songaren frå Fleetwood Mac, Stevie Nicks song på «Needles and Pins» med Tom Petty i the Forum i Los Angeles i California.
Liste (1985)PlasseringU.S. Billboard Hot 10037U.S. Billboard Album Rock Tracks17Kanadiske RPM Top Singles85
Genesis-referanse Songen vert referert i Genesis-songen «Broadway Melody of 1974» frå albumet The Lamb Lies Down on Broadway. Teksten går slik: «And as the song and dance begins, the children play at home with needles...Needles and pins» der linja «Needles and pins» vert sungen med dei originale tonane frå songen.
Kjelder
Denne artikkelen bygger på «Needles and Pins (song)» frå , den 13. mars 2015. oppgav desse kjeldene: Joel Whitburn's Top Pop Singlar 1955-1990 Record Research, Inc., Menomonee Falls WI, 1990 ISBN 0-89820-089-X
Kategori:Singlar frå 1963 Kategori:Singlar frå 1964 Kategori:Jackie DeShannon-songar Kategori:The Searchers-songar Kategori:Cher-songar Kategori:Smokie-songar Kategori:Ramones-songar Kategori:Tom Petty-songar Kategori:Nummer-ein-singlar i Storbritannia Kategori:Nummer-ein-singlar i Irland Kategori:Songar skrivne av Sonny Bono Kategori:Liberty Records-singlar Kategori:Pye Records-singlar Kategori:MCA Records-singlar Kategori:Songar frå 1963 Kategori:Songar skrivne av Jack Nitzsche Kategori:Songar produserte av Ed Stasium Kategori:Songar produserte av Mike Chapman Kategori:Songar produserte av Tony Hatch Kategori:Songar produserte av Tommy Ramone Kategori:Del Shannon-songar Kategori:Dag Spantell-songar Kategori:Paul Weller-songar Kategori:The Ventures-songar Kategori:James Last-songar