Miłàn ła xe na cità italiana. Ła xe el capołogo de ła Lonbardia e de ła omonema sità metropułitana. Ła ga 1 303 000 abitanti, che i ła rende ła sità pì popołà del nord Itàlia e ła seconda sità itałiana; ła xe riconosua cofà capitałe econòmega del Stado.
Ła se trova a 122 m s.l.m. inte el mexo de ła Pianura Padana, intra łe Prealpe Ługanexi a nord, el Ada a est, el Po a sud e el Tisin a ovest.
Miłàn l'é uno dei centri universitari, editoriałi, tełevisivi e fieristisi pì avansai de l'Eoropa.
Socetà e cultura El santo patrono l'è Sant'Anbroxio e ła festa ła xe el 7 de diçenbre.
I sinboli de la sità sostansialmente i xe el Domo, na costrusion gotica finida inte el XVII sec., e el teadro Alla Scala, che l'è el vanto de ła łirica italiana.
Persone łigae a Miłàn In sta sità xe nasui Oliviero Toscani, Benedicta Boccoli e Diana Est.
Zeografia antropega Ła xe na tipega sità de pianura, da ła pianta scuaxi sircołar, che in pasà ła se ga anplià in modo gradual e uniforme in tute łe diresion rispeto a el orixenario nucleo sentral primitivo; soło che inte el ultimo secoło ła ga taca a ingrandirse in modo difarente inte łe varie diresion, sevente na nova strutura urbanistega pì rispondente a łe exigense moderne.
Sudivixion minitrativa Da el 2016 ła sità ła xe divixa in nove munisipi. No ła ghe xe miga na sudivixion uficial in quartieri. Intra i altri ricordemo: Washington: l'è un quartier de Miłàn, parte del munisipio 7, che el tol el nome da ła strada Washington che ła va da ła Piaza Piemonte a piaza Napoli, ne ła xona sudovest de Miłàn. Niguarda: xe na zona a nord de la çità, parte del munisipio 9, traversà dal Seveso. Lì ghè un ospedal tra i pi importanti e atrezà de l'Itałia.
Aministrasion L'atuale sindaco l'è Giuseppe Sala, del sentro-sanca.
Gałeria de someje
Varda anca Tran sabiera de l'ATM
Altri projeti
Linganbi foresti
Categoria:Miłan