Co Casteło de Maròstega se ghe ciama l'insieme dei do castełi: el Casteło Superiore e el Casteło Inferiore, cołegai da na sinta de mura, longa sirca 1800 metri, łi se cata inte ła sità de Maròstega, in provinsia de Vicensa.
Storia Co ła concuista da parte dei scałigeri del teritorio vicentin inte el 1311, anca el teritorio de Maròstega el xe 'ndà soto el dominio de Cangrande de ła Scała. Co Cangrande parte el proseso de ridefinisiòn urbanistega de ła sità, col spostamento del sentro storico che pasa dal vecio Borgo, de epoca romana e medioevałe, al sentro intramurario de incò.
La riva infati al 1312 ła costrusiòn dei do castełi: eł Casteło Inferiore, ciamà anca Casteło da baso, e eł Casteło Superiore. Ła costrusiòn de łe mura łe ga avùo inìsio invese el 1º marso 1372 grasie a Cansignorio. Cuatro łe xe łe porte par 'ndar rento al sentro storico, do che ghe xe ła "Piasa dei Scachi": Porta Vicensa a sud, porta Breganse a ovest, Porta Basan a est e Porta Casteło a nord. Łongo łe mura ghe xe dei caminamenti, i stesi che inte l'epoca antica i servia par far ła guardia. Intrò el 1934 e el 1935, łe mura e xe sta sbuxàe pa fasilitar el pasajo verso a ła vecia stasiòn dei treni (ła xe nata cusì Porta Vicensa).
Gałeria
Note
Categoria:Provincia de Vicensa Marostega