El grego moderno (in grego "ελληνική γλώσσα", pronuncià "elinikì glòssa") el se scrive co l'alfabeto grego e el partien a ła granda fameja de łe łéngue indoropee derivade da na łéngua vecia comun conoxesta cofà indoropeo.
La łéngua grega antiga no ła gera parlà soło inte ła Gresia antiga peninsułare, ma anca inte łe cołònie; sto fato el ga contribuío a na difuxion de raquanti diałeti che a se conose oncó. El grego moderno el xe parlà da xirca 14.000.000 persone, e ła xe ła xe ła łéngua ofixiałe de ła Grexia e parte de Sipro.
El Neogrego o grego Moderno xe come che vien ciamà ła lengua grega che se parla desso. Co sto termine se indica, par tanto, el ultimo stadio de l'evołusion de ła lengua grega, parlà da circa 15.5 milioni de persone soratuto in Gresia e a Sipro. Se inisia a parlare de "grego Moderno" a partire dal croło del Inpero Bizantin inte el 1453. Par un periodo de tempo, no ghe xe stà na lingua grega ufiçiałe, ma tanti picołi diałeti legai pi o manco al grego antico. Al di de oncò, el grego moderno ordinario el se basa sul demotico.
Somejanse co ła lengua vèneta Ghe se de łe parołe vènete che łe ga na provenienza ligà a serte altre greche e par questo łe se someja. Par exenpio: Βούτυρο (IPA: /ˈβutiro/): Butìro Καρέκλα (IPA: /kaˈrekla/): Carega Μπιζέλια (IPA: /biˈzelia/): Bizi Δύσκολο (IPA: /ˈdiskolo/, sign. difisie): Viscoło Μουστάκι (IPA: /muˈstaki/, dal fransexe moustaches): Mostaci
In tutte łe maniere, anca se łe parołe sora elencade łe poe far pensare che ghe sipie cołegamenti direti col diałeto, ghe xe bisogno de dire che ła lengua grega ła ga costrusioni gramaticałi e lesicałi un mucio difarenti dal veneto. Meto qua basso raquanti esenpi:
Vèneto grego Ła caxa Το σπίτι (pron: to spìti) El pese Το ψάρι (pron: to psàri) Ła femena Η γυναίκα (pron: i jinèka) el Omo Ο άντρας (pron: o andras) A camara Το δωμάτιο (pron: to domàtio)
Da sta picoła tabeła se poe capire e differense de scritura, genere e acentuasion de łe parołe. In pì ghe se anca da tegner conto de łe diferense de pronunciasion che ghe se tra łe do lengue (es. in grego no ghe xe "s-c", "sci-sce", "g", mentre in veneto no ghe se i soni "χ" (come el "ch" todesco)e "θ" (come el "th" inglese so ła paroła "three"). Ła letera "δ" a vien pronuncià neła lengua veneta, ma no da tute łe parti. 'N altra dificoltà del grego xe el uso dei verbi, che no xe come queo de łe lengue romanxe ma el ga na forme tute sue.El sistema verbałe graco no se basa pa esenpio so l'inçertesa o so a probabiità del'asion ma so a continuità o manco del verbo intel tempo.
Altri projeti
Linganbi foresti