El 'Mar Adriatego el xe un toc del Mar Mediteraneo, che el bagna łe coste orientai de ła penìzoła tałiana e chee osidentałi de ła penìzoła balcanica.
Descrision El xe longo sirca 800 km e largo de mèdia 150 km, el ga na superfiçe de 132 000 km². Xe fondo sirca 300 metri pi a nord e a sud el riva a 1000 metri de fondità.
El xe cołegà al Mar Jonio co el Canałe de Otranto (tra ła provincia de Lece e l'Albania).
Imisari prinsipai I corsi d'acua pì inportanti che se versa inte el Mar Adriàtego xe i fiumi vèneti e tałiani Po, Àdexe, Brenta, Reno, Tajamento e Pescara .
Etimołoxia L'origine del nome el vegnaria da ła sità veneta de Adria che par i gresi jera a sità pì a nord del Adriàtico e quindi el nome voria dir "Mar che el finise a Adria".
Golfi e Łagune El Mar Adriàtego xe diviso in Golfo de Venesia Golfo de Trieste Baia de ła Muja (tra Muja e Trieste) Golfo de Panzan (davanti de Monfalcon e Duin-Aurisina) Łaguna de Gravo (de drio Gravo) Łaguna de Maran (de drio Lignan e davanti Maran Lagunare) Łaguna de Venesia (Venesia, Cióxa) Golfo de Vasto (davanti Vasto) Golfo de Manfredonia (davanti Manfredonia)
Sità e łoghi bagnai dal Adriatico miniatura|sinistra|Carta połitega del Mar Adriatico
El Mar Adriàtego bagna ste rejon e łocalità de ła costa oriental, vèneto-tałiana: Friul-Venesia Julia: Lignan, Gravo, Trieste, Muja. Vèneto: Venesia, Cióxa, Gèxoło. Emiłia-Romagna: Rimano. Marche: Péxaro, Fam, Senigaja, Ancona, San Beneto del Tronto. Abruso: Giulianova, Pescara, Ortona e Vasto. Mołixe: Termoli. Puia: Manfredonia, Barleta, Trani, Baseia, Molfeta, Bari, Brindixi e Otranto. Inte ła costa oriental i sti stadi e locałità: Slovenia: Capodistria (Koper), Isola d'Istria (Izola), Pirano (Piran). Croàsia: Poła (Pula), Fiume (Rijeka), Zara (Zadar), Sebenico (Šibenik), Spàlato (Split), Raguxa (Dubrovnik). Bosnia e Erzegòvina: Neum Montenégro: Càtaro (Kotor), Kumbor, Antivari (Bar). Albania: Durazo (Durrës), Valona (Valorë).
Notasion
Categoria:Pàjine co erori inte łe mape