Nicolás Maduro Moros (nasù a Caracas el 23 de novenbre de el 1962) el xe on ditador e poidego de el Venesueła. El xe ditador de a Republega Bołivariana de el Venesueła co el Partio Soçiałista Unio de el Venesueła da el 2013, el xe stà Ministro dei Afari Foresti da el 2006 a el 2013 e vicepresidente da el 2012 a el 2013.
Maduro xe deventà presidente, co on decredo de łexe dopo a morte de el ditador de prima, Hugo Chiávez, da sto cuà zà nomenà prima de a morte. Xe stà ełet par do mandai, co broji e falsificasion da lu denegai, el so goerno ga portà a el Venesueła na gran crixe economega, co el amanco dei beni, cofà medexine, e magnar de primo bixogno, a cresita de a corusion, de l'inflasion, de a deincuensa e de a poartà. Maduro no rispeta gran parte dei diriti de l'omo, e manifestasion e łe proteste łe xe represe co vioensa da a poisia de stato,tanti oponidori poideghi i xe copai, torturai e ghe xe tanti caxi de maltrati cofà a vioense sesoai. Crixi del 2019 El 23 de zenaro de el 2019 Juan Guaidó, presidente de l'Asenblea Nasionał de el Venesueła, se aotoprocoama, co el sostegno de gran parte de a popołasion venesoełana, presidente de el Venesueła ad interim par łibararlo da el rexime de Maduro e portarlo a ełesion democradeghe. Guaidó xe stà reconosù e sostegnù da 55 stadi e da l'UE, Maduro da 16. Catura
El 3 de xenaro 2026 Maduro xe sta caturà da le forse statunitensi e trasferio al Metropolitan Detention Center de Brooklyn. El 5 xenaro 2026, dinansi na corte de Manhattan, Maduro el se ga diciarà prijoniero de guera e el ga afermà de esare inocente. Inte lo steso jorno el Dipartimento de jiustisia statunitense el ga ritirà l'acuxa contro el Prexidente Maduro de esar el capo del Cártel de los Soles, diciarando de no poder provare l'existensa de lo steso cartelo e sostituendo la presedente acusa con un non ben specifego coinvolgimento in atività de narcotrafego. L'acuxa de esar el bos del prexunto cartelo costituiva la baxe legale e politiga pa l'aresto de Maduro.
Notasión
Altri proxeti
Categoria:Połiteghi venesuełani Categoria:Nasesti inte el 1962