San Marin, ufisialmente ła Repùblega de San Marin, ła xe un Stato picenin de l'Eoropa meridional. El xe un enclave de ła Itàlia.
Zeografia El xe el terzo Stato pi ceo de l'Europadopo Vatican e Mònaco. El xe conpletamente sarà sù rento l'Itałia, intrà łe Marche a sudest e e ła Emiłia-Romagna a nordovest.
Storia Drio ła tradision se dixe che el xe stà fondà da San Marin che ła ghen'à ciapà el nome l'ano 301 d.C.
El riconosiménto uficiałe come stato sovran e indipendente l'è rivà sol che co Napoleon e el Tratato de Viena.
Zeografia połìtega San Marin ła xe na Repùblega Presidensial.
I du "Caitani Rexenti" i vien votài ogni sie mixi: i xe i Cai de Stato col poter pi curto del mondo. I ga poter raprexentativo e i xe garanti de l'armonia intrà i organismi de goerno, donca i presiede łe riunion de vari organi. El "Goerno" el ga el poter executivo; el xe divixo in "Segretarìe de Stato" invése che in Ministeri. El "Conséjo Grando e Xenerałe", l'è na Càmbra soła de sesanta parlamentari, che l'a in man el poter lejislativo. Ghe xe anca altri vari òrgani e cambre de goerno co incareghi speciałi (p.ex.: el "Conséjo dei Dódexe").
El poter giudisiario el vien gestìo da giùdici de San Marin ma ghe xe un giùdice xenerałe itałian. Anca ła połisia, seben che fata da xente de San Marin, ła vien comandà da un italian che parò el ga da łavorar in nome de ła Repùblega de San Marin e nò de l'Itałia.
On fato ben tìpigo de 'sta Repùblega l'è ła democrasia direta, indove che el popoło riunìo in "Arengo" el pol votar proposte de leje da far examinar ai Cai de Stato.
Divixion aministrative San Marin el xe divixo in 9 castełi (castelli). miniatura|centro|Sudivixion de San Marin
Acuaviva Borgo Majore Ciesanova
Domagnan Faetan Fiorentin
Montejardin Seravałe Sità de San Marin - caital
Curioxità I documinti uficiałi i vien firmài oncora co data dópia: el całendario stàndard e l'"ano da ła fondasion de ła Repùblica" (d.f.R).
Gałeria de someje
Notasion
Altri projeti
Linganbi foresti