Ła Oròmia o Rejon de i Oròmo (in oromo Oromiyaa; in ahmarego ኦሮሚያ, Oromiya) ła ze na rejon (kililoch) de ła Etiopia sentro-meridional. Ła konfina a nordovest ko ła rejon de Benšangul-Gumuz, a nord co kełe de i Àmara e de i Afar, a est co keła de i Somałi, a sudovest ko cheła de łe Nasion, Nasionałità e Popołi de el Sud, a ovest ko keła de Ganbeła; ła konfina diretamente ko el Kènia a sud e ko el Sudan de el Sud a ovest.
Zeografia Fizega El teritorio el ze traversà da sudovest a nordest da ła Vałe de el Gran Rift ke ła divide el Altopian Etiopego inte 'na porsion nordosidental (Altopian de Šoa in oromo Shawaa) e inte una sudoriental (Altopiani de Bałéo Bale e de Arsi e Altopian de Araro Harerege . So el bordo oriental de ła vałe ła skarpada ła capa el nome de Munti Ahmar a nordest e Munti Mendebo a sudest.
Ła banda sentral de el teritorio, in korispondensa de ła Vałe de el Gran Rift, ła prezenta 'na serie de łagi, ła ze drenada da el fiume Auašin oromo Awaash verso nordest e el fiume Omo verso sudovest; ła banda norosidental ła ze drenada da do afluenti de drita de el Niło, el Abaiin ahmarego ዓባይ Abbaio Niło Azuro e el Baro Akobo-Sobat; ła banda sudoriental ła ze drenada da el Uèbi Šebełiin ahmara እደላ e da el so afluente de sanka Janałe-Dauao Genale-Dawa.
In zeneral klima el ze keło de tropegal de ła savana, pasante ko el aumento de ła altesa a subtropegal umedo e daspò oseanego; inte ła banda sudoriental el pasa invese a kaldo semiarido (sevente Koppen, rispetivamente i klimi Aw, Cwa, Cfb e BSh).
Zeografia umana Ła ze abitada prinsipalmente da persone de etnia oròmocognosue anca cofà galla o gal'la.Ła kavedal ła ze Adamain oromo Adaamakoñosesta in pasà anka kofà Nazret. Altre sità inportanti łe ze Jimain oromo Jimmaa e Bišoftuin oromo Bishooftukoñosesta in pasà anka kofà Debre Zeyit.
Se esporta oro, kafé, katCatha edulis e bestiame. Ła ga anka 'na inportante produsion de seréałi.
Gałeria de someje
Notasion
Altri projeti
Linganbi foresti
Oromia Culture and Tourism Bureau
Oròmo