I Cognomi vèneti piasé tipiçi i xe cuei che i conserva la final in consonante (soratuto la -n), cuei col prefiso "Dal", cuei col sufiso "-ato". Tra i cognomi in -n spica cuei che indiga la proveniensa come Vixentin ("da Vicensa"), Trevixan ("da Trevixo"), Pavan ("padovan"), Furlan, Schiavon (çità in provinsa de Vicensa), Trentin e Bressan; cognomi derivai da mestieri cofà Marangon, Ballarin, Zanca o Zanchetta, Bordignon (forsi el vol dir "cueo che fila la séa"); infin cognomi derivai da nomi de parsona: la major parte dariva da Xoani e i so diminutivi (Xambon, Xanon, Xanin, Xanini ma anche Xaneti, Xanpieri, Xanata) ma se conta anca i Perin (da "Pietro/Piero"), Lorenson, Berton, Martin, Baldan. El cognome pasé difondesto in rejone reman comùncue el panitaliano Rossi ma xe racuanti i nomi profesionai cofà Ferrari co le version locai Fàvero, Favareto e Fabri; el tipego venesian Boscolo e oncora Maxiero ("mezzadro"), Sartor e Sartori, Zago (sia "diacono, chierichetto" ma anca "sempliciotto"). Da nomi personai dariva invese Frigo (da "Federico"), Vianello (da "Viviano"), Bernardi, Martini, Stefani mentre Basso, Moro, Gatto, Gallo, Scarpa, Baggio (da "bajo", el mantel dal tipego color rosiso dei cavali) e Gobbo i xe riferii a soranomi.
Infin in Veneto xe difondesta la prepoxision "Dal" (tipega anca del Friuli) invese del panitalian "Del": alcuni exenpi i xe Dal Farra, Dal Molin, Dal Lago, Dal Zotto e Dal Corso. On sufiso tipego el xe invese -ato come in Bonato, Simionato, Volpato e Marcato, indicativo di disendensa famejar o come diminutivo.
Frequensa intele Provinse Venèsia Vianello Scarpa Costantini Ballarin Rossi Pàdoa Schiavon Rampazzo Mason Carraro Varotto
Rovigo Ferrari Rossi Osti Milan Zanirato Verona Ferrari Rossi Avesani Righetti Adami Vicensa Rossi Sartori Bedin Rigon Casarotto Trevixo Pavan Zanatta Visentin Mason Soligo
Belun Da Rold Dal Farra Bortot Tormen De Bona
Varda anca Soracognome
Categoria:Fameja Categoria:Onomastega