El Pałaso Barbaran Da Porto el xe a Vicensa in contrà Porti numero undexe. El xe sta fato da Andrea Palladio par Montano Barbaran intrà el 1569 e el 1571.
El prospeto el xe su do ordini: ionico al piano de soto e corinzio a kueło de sora. El ciapa drento anca na decorasion a stuco atribuìa a Lorenzo Rubini. El piano nobiłe e łe sale interne del piano tera łe xe decorà da stuki, in parte de ła botega del Rubini, in parte dei Maganza. In tel Sałon centrałe ghe xe tele de Andrea Vicentino incornixà da lacunari de legno. Ła strutura interna ła risente de kueo ke ghe xera prima, al kuale ł'architeto se ga adatà co abiłità, radopiando łe semicołone de angoło, slitando de lato ła logia de ła corte e metendo ła scała in na poxision decentrada. El pałaso el xe 'nteła lista del patrimonio mondiałe deł'UNESCO (WORLD HERITAGE) e el xe ła sede de łe Sovrintendense e del Sentro Internasionałe de Studi de Architetura "Andrea Palladio".
Categoria:Architeture de Vicensa Categoria:Patrimoni de l'umanità in Itàlia