Bùcarest (rum. Bucureşti ) ła xe ła cavedal e ła sità pi granda de ła Romanìa (1 944 367 ab., 2,1 milioni co l'àrea metropoitana). Tacada a sud del paexe, sol fiume Dâmboviţa, ła xe el pi gran sentro industrial e comersal de ła Romanìa.
Ła superfìse total de Bùcarest ła xe de 228 km². Fin a pochi ani indrìo łe xone in banda łe jera prinsipalmente rurai, parò dal 1989 se ga scuminsià a tirar su novi cuartieri datorno de ła sità.
Secondo antighe scriture ła xe stà fondà so ła riva del fiume Dâmboviţa inte el 1459 da Vlad III de Valacia. El só nome se lo fa rivar da cueo là de un pegorer ciamà Bucur, che in romen el vol dir "Bagoes"; par sta raxon el nome Bùcarest el pol èsar traduxesto cofà "Sità de l'aegrìa".
Ła popolasion ła xe cresesta tanto rapidamente inte i ùltimi do sècoi ma ła xe drìo conósar na faxe de aresto da ła seconda metà dei ùltimi ani '90.
Eco el nùmaro dei abitanti de ła sità dal 1800 al 2002: 1800: 32 000 1859: 12 000 1900: 282 000 1918: 383 000 1930: 639 000 1966: 1 452 000 1992: 2 067 545 (2 354 510 l'inglomerà urban) 2002: 1 926 334
Pur gavendo sol che el 9% de l'intiera popolasion de ła Romanìa, Bùcarest ła produxe el 21% del PIL del paexe, sendo ła xona pi sviupà e industriaixà.
Aministrasion Bùcarest ła ga na condision aministrativa ugnoła inte el stato rumen, El xe infati el ugnoło comun che no apartien a un distreto.
A cao del goerno sitadin (Primăria Generală in rumen) gh'è el sìndico de Bùcarest (Primarul general al municipiului Bucureşti in rumen). Po ghe xe el consejo sitadin (Consiliu general), costituio da 55 consejeri eleti ogni cuatro ani. thumb|left|250px|Setori aministrativi de Bùcarest Ła sità ła xe sudivixa in sie setori (sector) aministrativi. Ognun de chesti el ga un propio sìndico e un propio consejo che i se ocupa de cuestion locałi. Anca i conseji de setor i xe eleti ogni cuatro ani. Ogni setor el conprende diversi cuartieri (cartiere) che no i ga funsiona aministrative. Setor 1 (cuartieri: Dorobanţi, Băneasa, Aviaţiei, Pipera, Aviatorilor, Primăverii, Romanǎ, Victoriei, Herǎstrǎu, Bucureştii Noi, Dǎmǎroaia, Strǎuleşti, Chitila, Griviţa, 1 Mai, Pajura, Domenii e na picoła parte de Giuleşti); 67,5 km², co 227 717 abitanti Dati al 1de xenaro 2009 fornii dal el Institutul National de Statistica Setor 2 (cuartieri: Pantelimon, Colentina, Iancului, Tei, Floreasca, Moşilor, Obor, Vatra Luminoasă, Fundeni, Ştefan cel Mare); 38 km² co 357 338 abitanti Setor 3 (cuartieri: Vitan, Dudeşti, Titan, Centrul Civic, Balta Albă, Dristor, Lipscani, Muncii, Unirii); 34 km² co 399 231 abitanti Setor 4 (cuartieri: Berceni, Olteniţei, Văcăreşti, Timpuri Noi, Tineretului); 34 km² co 300 331 abitanti Setor 5 (cuartieri: Rahova, Ferentari, Giurgiului, Cotroceni, 13 Septembrie, Dealul Spirii): 32 km² co 288 690 abitanti Setor 6 (cuartieri: Giuleşti, Crângaşi, Drumul Taberei, Militari, Grozǎveşti, anche conosciuto come Regie, Ghencea); 30 km² co 371 060 abitanti
El comun de Bùcarest e el distreto de Ilfov, che el sirconda ła sità, i costituise una de łe rejon de sviłupo de ła Romania, uxae da ła Romania e da ła UE par fini statistisi ma sensa vałensa aministrativa.
Gaerìa fotogràfega
Note
Categoria:Munisipi de ła Romania Categoria:Comuni de ła Romania Categoria:Cavedal de l'Eoropa