Ła łéngua mòchena (in mòcheno bersntoler sproch) ła xe na łéngua de orìxen todesca parlà dal grupo ètnego dei mòcheni, che i se cata inte tre comuni de ła banda oriental de l'omònema vałe (Vałe del Fèrsina/Bersntol) inte ła provinsia de Trénto, de Fierozs/Vlarotz, Frasiłóngo/Garait e Pałù del Fèrsina/Palae en Bersntol.
Ła par èsar na direta derivasion de l'alto todésco antigo inportà inte el Medioevo, a ła fin del XIII sècoło.
Dopo de ła represion de l'època fasista, co ła proibision de l'uso de ła łéngua todésca, e dopo el disintarese del secóndo dopo-guera, sol a partir dai ani sesanta se ga vù na lénta revałutasion de questa e de łe altre menoranse łéngoìsteghe prexente inte el teritorio de ła provinsia de Trénto.
I parlanti i xe al stato atual poco pi de domiła; pa'l pasà l'àrea de difuxion ła jera na scianta pi granda, fin a calche séntro e maxo ceo de ła banda setentrional e osidental de ła Valsugana e de łe vałae setentrionałe.
El mòcheno no'l va confondest con Sinbro, łéngua da łe orìxene comune, che ła cuerdéa, e in parte ła cuerde incóra uncuò, na estension rełativa a l'àrea del Trentin, de ła Valsugana, fin a łe provinsie de Vicénsa e de Veróna.
Cołegaménti esterni Sito ofisial de ła comunità Mòchena-Bersntol, co disionario tałian-mòcheno e publicasion in mòcheno
mòchen