El Gabon xe no Stato de l'Africa Centrale. El confina cola Guinea Equatorial a nordovest, el Camerun a nord e la Republica del Congo a sudest. El xe bagnà dal Golfo de Guinea a ovest.

Zeografia

La majoria del paexe xe ocupà da la pianura costiera. A est e a ovest ghe i altipiani.

El Gabon l'è un paexe equatorial.

La foresta equatorial cuerze l'85% del paexe.

Storia

Antighità I primi abitanti del Gabon xera grupi de pigmei che vivea co la cacia e la racolta de fruti.

Inte el X secolo xe rivà i bantu, che i ga dà vita all'etnia mpongwe.

I portoghexi xe rivà inte el XV secolo, suito dopo anca i olandexi i ga tacà a visitar le coste del Gabon.

I ultimi a rivar xe stà i fang che scendea da nord e i sa stabilì in Gabon dozento ani fa circa.

I francexi xe stà i primi a costruir de le fortificazioni su la costa inte el 1843. Co la scusa de fermar el marcà dei sciavi, la Francia l'ha trasformà la costa in on protetorato. Inte el 1849 ghe stà la fondasion de Libreville"la cità dei omeni libari", destinà a i s-ciavi libarà.

El teritorio che ancò forma el Gabon l'è stà conquistà da la Francia inte el 1885, ma no ghe fu na aministrasion govenativa fin al 1903.

Indipendensa El Gabon ga otegnù l'indipendenza aministrativa inte el 1946 e quela pułìtega inte el 1960. El primo presidente, Lèon M'Ba, l'è morto inte el 1967 e el so vice presidente, Albert Bernard Bongo, sa tolto el poder e aprovò el partio unico.

Dopo le proteste de piaza del 1990, l'ano de la primavera democràtega in tuta l'Africa, Bongo ga aprovà el sistema multipartìtego ma xe anca riusio a vinsar le elesion del 1993 e 1998.

Zeografia politega Libreville l'è la cavedal del Gabon.

Popolasion 40 difarenti grupi etnici vive in Gabon, tuti co le so lengoe e tradisioni. I grupi banti pi importanti xe i myene, i bandjabi, i eshira, i bapounou e i okande. I grupi pigmei oncora presenti xe i bagielli e i baka.

Religione La majoria (60%) de la gente xe catolega, quei che segue i riti tradisionali el 20%, i protestanti el 19% e i musulmani l'1%.

Léngue En Gabon se parla francese.

Economia El Gabon l'è un paexe de mèdia richeza. Le materie prime e la industria le ga parmeso la cresita de l'economia.

Se sfruta le foreste par el legname pregiato. El xe presente el petrolio.

La xe presente n'industria legera.

Etimołozia El fiume Komo se buta inte el Golfo de Guinea el ga la foce co la forma de on capoto invernal, che i portoghexi i ciama gabo pronuncià "gabon". Da qi vien el nome del paexe.

Gałeria de someje

Notasion

Altri projeti

Łinganbi forèsti