El Burundi xe on paexe de l'Africa Central, ne la region de i Grandi Laghi. El confina co la Tanzania a sudest, el Rwanda a nord e la Republica Democràtega del Congo a ovest.
Etimołozia El nome vien da la lengoa parlà da la majoria de la popołasion, el kirundi.
Zeografia El Burundi xe picolo, sensa sbochi sul mar.
Quasi tuto el Burundi xe so n'altopiano pì alto de mile metri. La masima montagna xe el Karonje (2760 m). El resto del paese xe formà da coline.
Na olta el paexe l'era cuerto da foreste. Ancò l'è tuto disboscà par far posto ai campi. Ghe resta solo manco de 600 km² de foreste in do parchi nasionali: Kibira, al confin co el Ruanda,e Rurubu.
Storia
Antighità I primi abitanti de la zona xere i pigmei twa. Co le migrazioni de i bantu, i twa xe stà mesi inte on canton. I bantu ga organizà el primo regno indipendente inte el XVI secolo. El primo re xe stà Ntare Rushatsi.
I todeschi ga invaso la zona in tel 1903, ma i ga perso el paese dopo la Grande Guera. El Burundi xe pasà soto l'influenza belga, che za controlaa el Zairedeso repùblega Democratega del Congo.
Indipendenza Dopo l'indipendenza inte el 1962, el paexe l'è stà control da diversi governi totalitari in mano a i militari. Ghe xe stà vari genocidi inte el 1965, 1972, 1988, in 1993 organizà da estemisti tutsi par copar i hutu. En tel 1993 ghe xe stà le prime elesion libare vinte da Melchior Ndadaye, el primo presidente hutu, che el fu copà da militari tutsi dopo qualche mese. Dopo ani de instabilità e de altri genocidi - contro i tutsi -, Pierre Buyoya ga organizà on colpo de stato in tel 1996. Inte el 2000, el governo ga firmà n'acordo co i ribelli par portar la paze inte el paexe. Nonostante l'acordo, la guera civil l'è continuà fin al 2005, quando n'altro acordo l'è stà firmà.
Popołasion Co 315 abitanti par kilometro quadrà, el Burundi xe secondo solo al Ruanda in Africa par densità de popołasion. Etnie La majoria xe hutu (85%), on grupo bantu. I tutsi xe el 14%, el resto xe twa, grupo originario del Burundi.
Religion La Cexa catolica xe el grupo religioso pì groso del Burundi (62%). Le religioni tradisionali (23%), el islam (10%) e el protestanteximo (5%) le xe presenti su tuto el teritorio nasional.
Léngue La gente la parla kirundi e francexe. El swahili l'è parlà al confin co la Tanzania e el Congo.
Sosietà El 65% de i puteleti vive in stato de denutrision cronica. Economia El Burundi xe el paese pì povero del mondo co el 70% de la popołasion che vive soto el livel de povertà.
La majoria de i burundexi vive de agricoltura. Quasi tuti i coltiva i campi par verghe da magnar. Ghe anca de la produsion par l'esportasion: cafè, coton, banana.
Ghe industria manufaturiera legera.
El Burundi xe el paese pì povero del mondo co el 70% de la popołasion che vive soto el livel de povetà.
Gałeria de someje
Notasion
Altri projeti
Linganbi foresti