El Ponte de ła Piera (it. Ponte Pietra) l'è un vecio ponte de Verona, che traversa l'Àdexe.
Storia Verona al tenpo dei Romani ła gavea do ponti: el ponte Piera (pons marmoreus) e el ponte Postumio, che i tacava ła nova sità romana a sud de l'Adexe coi veci insediamenti pre-romani sułe Torexełe, dove ghèra anca el teatro romano. Sul Postumio, che l'era na s-cianta piesè a val, ghe pasava anca l'aquedoto che da Avexa rifornea ła sità e ła strada Postumia, che naxea fin a Aquiłeja. Pensè che inte el toco de fiume tra i do ponti i ghe raprexentava infin de łe bataje navałi, blocando l'aqua del fiume. Deso el ponte Piera l'è l'unico ponte roman restà a Verona.
Inte el 1945, i todeschi che scapava via a ła fin de ła guera i lo gà fato saltar par aria, ma póchi ani dopo l'è stà ricostruìo doparando łe vecie piere tirà su da l'Adexe.
Struttura El ponte l'è fato da cinque arcade, l'è lungo 95 metri e largo 4 metri circa, i materiai doparà i xe el màrmaro bianco par le parte orizenai, e i cuarèi rosi, par le parti restruturae (fedei a l'orizenal) dai scaligeri.
Linganbi foresti
Schede su Ponte Pietra e i altri ponti de Verona
Categoria:Architeture de Verona