Sauris (Sauris in furlànToponomastica: denominazioni ufficiali in lingua friulana ., Zahre tel dialeto germanico del posto) l'é un comun de 426 anime dela provincia de Ùdine in Friul-Venesia Julia. L'é el comun pì alt dela rejon (1212 m s.l.m.) e l'é na ìzoła lenguistica germanofona.
Zeografia right|thumb|290px|La Ceza de San Lorenẑ a Sauris de Sora
El se cata tela rejone montana dela Carnia in Val Lumiei, el vanta tel so taren la presenẑa de in lach artifiẑial.
Le ẑime pì importanti che ghe n'é intorno a Sauris e le so fraẑion l'é: el Col Gentile (2.075 m), el Monte Tarondon (2.019 m), el Monte Pieltinis (2.027 m), el Crodon de Tiarfin (2.413 m), el Monte Bìvera (2.474 m), el Monte Zauf (2.245 m), el Monte Tinisa (2.080 m).
Storgia La legenda la ol che la comunità de Sauris la sie stada fondađa intorno al XIII-XIV secolo de doi soldađi todeschi che, strachi dela guera, i é scampađi del so paes rifugiandose ten sta val ìzołađa e imparvia.Zahre - Sauris. Storia della Comunità su www.ìzołelinguistiche.it, a cura del Comitato unitario ìzołe linguistiche storiche germaniche in Italia.. Par che la imigraẑion la sie in verità vegnesta dala val austriaca de Lessach e dela Pusteria tel XIII secolo.
El prim document che el atesta l'esistenẑa, in at de eredità perdest, del 1280. Se ga conservà solche in document del 1318 tel quale se parla de Sauris, ten na investitura feudal.
Tra el 1941 e el 1948 l'é stat costruì el impanto idroeletrico dela Val Lumiei e la relativa diga, anca se se era tela piena guera. Propio par la scarsità de omeni i ga usà anca 300 prigionieri de guera neozelandesi. La località La Maina la ze stata somersa del lach artifiẑial, e ghen resta i ruderi sotacqua.
Monumenti e posti de interès Ẑentro Etnografico 's haus van der Zahre, de Sauris de Sora Ẑentro Storgiografico Museo de S. Osvaldo, tela canonega de Sauris de Sot I ẑentri i fa part del sistema museal dela Carnia.
Soẑietà Evoluẑion demografica
Lengue e dialeti La comunità la fa na ìzoła lenguistica de sort germanica, na vera enclave germanofona in taren furlàn, che la ga durà, de la so fondaẑion, graẑie al ìzołamento durà tei secoli.
El tipico dialeto del posto, el "sauran", el cen trati veci rispeto ai dialeti tirolesi ai quali el é ligà, ma la popolaẑion la é trilingue, parlando ben anca el talgian e meio anca el furlàn.
Cultura Avegnimenti 5 de đegnèr - Der orsh van der Belin - El sentar dela Belin feorèr - Zahrar Vorschank - Carneval sauran lujo - tel secont e terẑ fin de stemana de lujo se fa la Festa del parsuto agóst - Festa del formai salà a Lateis agóst - Festival internaẑional de musica www.zahrarmonie.it agóst - Fra le nuvole Progeto teatral co laboratori e spetacoli deẑembre - Mercatini de Nađàl
Zeografia antropica El comun el é fat de Sauris de Sot (sede del muniẑipio), Sauris de Sora e dale fraẑion de Lateis, La Maina e Field. Sauris de Sora i lo ciama Plotsn, e Sauris de Sot Dörf. Par che el nom el vegne dal prelàtin savira (corso de àcua). Zahre inveẑe par che el cegne el significà de zahre, o sia làgrema.
Aministraẑion comunal
Economia Anca se l'é un dei comuni pì nèsi del Friul-Venesia Julia, Sauris l'é na rinomata località turistica par l'istà e l'inverno, conosesta par la produẑion de in parsuto crudo, el Parsuto de Sauris I.G.P., el cioce de Sauris e na bira artesànal asei famosa: la Zahre Beer.
Galeria fotografica
Note
Bibliografia Barbara Cinausero, La toponomastica di Sauris. Un'ìzoła tedescofona in terra di Carnia, [in collaborazione co Ermanno Dentesano], Udine, Società Filologica Friulana / Comune di Sauris, 2007, 352 p. Donatella Cozzi - Domenico Isabella - Elisabetta Navarra (a cura di -), Sauris/Zahre. Una comunità delle Alpi Carniche, Udine, Forum - Editrice Universitaria Udinese, 1998-1999, due voll., 516 p. compl.
Ligamenti forèsti Sito turistich a cura del Comun de Sauris Escursionismo - el anel de Sauris Consorzio Universitario del Friuli - la comunità saurana Zahrarmonie
Categoria:Comuni de ła provincia de Udine