L’asidente deła Sorèła Hong a Nanchina el ze on scàndal che el ze saltà fora inte’l lujo 2025 co on omo de 38 ani ciamà Jiao de Nanchino, Cina, che el se gavaria mostrà come na dona, "Sister Hong", e el gavaria fà ati sesuałi co sentenari de omeni. I incontri łi ze stài registrài, e i video łi ze stài spartìi online. L’investigasion ła ze in corso e ła ga scatenà na atension mediatica e on dibatito publico inti’e rejón cinezi e a liveło internasionałe e ła ga zenerà on mucio de memi e contenjui online. Asidente Secondo i media, el esar al sentro deło scandało el ze on omo de 38 ani ciamà Jiao, che el ga adotà el nome de "Soreła Hong" so Internet. Esendo conosuo come na dona, el gavaria organizà e partesipà in ati sesuałi co on muciaro de omeni. Chei incontri łi zera sistematicamente registrài. I zornałisti deła piataforma RedNote łi ga contà che el metodo de Jiao el zera farse vedar come na dona maridà sułe aplicasion de incontri, de conseguensa atraendo omeni che łi zera inzinganài dała fantazia de ver na relasion co ła mojer de staltro esar. El asidente el ze capità ała atension publica co i video esplisiti łi ga scominsià 'ndar in giro e esar vendui so on muciaro de piataforme online. Ła scała de video e el numaro de omeni aparìi in chei video, łi ga fà "Soreła Hong" on discorso virałe inte'i media cinezi. Mentre łe stime inisiałi łe zera de pì de mile omeni, ła połisia ła ga scartà ste stime come "ezagerasion". El ga operà ofrendo servisi sesuałi gratuiti, pa iludar i omeni, e ver regałi cofa ojo de arachidi, fruta, late o on picoło aparecio come pagamento in regało. Łe vitime łe zera prinsipalmente studenti universitari, zovani profesionisti, palestrai e forestari. Pa far schei da chei video, el ga creà on grupo online 'ndove el spartiva i video co na iscrision de ¥150, sirca €18, al so canałe. Arquanti esari łi gavaria refudà atività sesuałi co Jiao. I media łi ga descrì arquanti vizitori come ben vestìi e bełi, usando termani cofa "picoła cicia nova" (na fraze coloquiałe pa i omeni zovani e bełi) e "omeni eterosesuałi de quałità".
Investigasion Inte'l lujo 2025, ła pułisia de Nanchino ła ga scominsià na indagine sul cazo, portando all'aresto dell'esar drio l'identità de "Soreła Hong" el 6 lujo. El ze drio afrontar on proceso legałe pa ła fabricasion e ła distribusion de materiałe vargonjoso. Łe autorità łe ze drio laorar pa scanselar i video proibìi da internet e łi ga spenzà el publico a mołarghe ło spanparamento. Anpo ła pulisia ła ga negà el coinvolzimento de pi de 1600 omeni, no łi ga meso fora on numaro definitivo dełi omeni coinvolti o dì quanti schei Jiao el ga fà dała distribusion de chei video. Ła Legal Daily ła ga confirmà che al manco tre dełe vitime che łe ga reportà el cazo, łe ze stae testàe positive pa l'HIV, ma no se poe diar se ła ze colpa de Jiao. El sentro locałe pa łe malatie el ga contà che łi ze intervenjui e łi ze drio investigar. Łe vitime che łe ga avesto on contato da visin co Jiao o che łe ze preocupà pa ła łori sałute, łi poe testarse co łi vołe. Reasion
El astag 紅姐 (Soreła Hong) el ga dominà el media cinezi, Weibo, el 8 de lujo, 'ndando al primo posto co pi de 200 miłion de viste.
Categoria:Crimenałità Categoria:Sensa fonti