Joel Julius Ilmari Pohjanpalo (Helsinki, 13 setenbre 1994) el ze un zogador finlandeze, tacante de'l Venezia e de ła nasionałe finlandeze.
Inte'l 2012 el ze stà insarìo inte ła łista dei megio zogadori nasùi daspò el 1991.
Caratarìsteghe tècneghe Tacante mòbiłe e potente, el pol zvariar so tuto el fronte ofensivo. Dotà de discreta tècnega co entranbi i pie e bona uzma par el gol, grasie a'l fìzego inponente el ze anca bon de far montar sù ła scuadra, rezultando speso omo-assist.
Inte'l corso de ła só cariera el ze stà vìtema de diversi infortuni che i ghe n'a condisionà pezantemente el rendimento.
Cariera Club I ezordi El debuta co l'HJK el 26 otobre 2011 partindo da titolar contro el RoPS
El 13 de zenaro 2012 el ezordise in Ligacup contro el Lahti. La setimana drioman, senpre in tale conpetision, el realiza i so primi do gol da profesionista ai dani de'l MyPa. El 15 aprile, a ła prima zornada de canpionado e in manco tre menuti, el realiza na tripleta contro l'IFK Mariehmann. El finise ła stajon 2012 co 38 prezense e 16 redi conplesive, resitando un roło de protagonista par ła vitoria de ła Veikkausliiga.
El 17 łujo el ezordise in UEFA Champions League, senjando na dopieta inte ła partìa dei prełiminari vinsesta da l'HJK par 7-0 contro el KR Reykjavik. El 30 agosto seguente el reałiza, invese, na rede inte ła partìa de retorno de UEFA Europa League parezada 3-3 contro l'Athletic Bilbao. Nonostante el bon scominisio, l'anada ła rezultarà èsar difisiłe par el finlandeze, che'l conclude co 8 redi in 30 partìe totałe.
El 2 setenbre 2013 el Bayer Leverkusen} el comùnega de aver acuistà el zogadro. El vien suito cedùo in préstio anuałe a l'Aalen, in segonda serie todesca, co el cuało el debuta el 18 otobre seguente, inte ła partìa vinsesta 3-0 contro l'Arminia Bielefeld. Dopo scuazi tre mezi sensa senjar, el 7 febraro 2014 el reałiza na rete in canpionado ai dani de l'Erzgebirge Aue. El tèrmena ła stazon co 5 gol in 22 partìe zogàe.
El 2 łujo 2014 el vien zirà ancora in préstio, 'sta volta bienałe, a'l Fortuna Dusseldorf, senpre in segonda serie. El 1º agosto el zoga da titołar ła prima zornada de canpionado contro l'Eintracht Braunschweig. El 21 setembre el reałiza, da subentrà, ła rede de ła vitoria contro l'Heidenheim. El va po' a senjo par tre partìe consecutive, tra cui na tripleta siglada ai dani de'l Darmstadt. El conclude l'anada co 11 marcadure in 31 prezense. Ła stazon drioman ła ze manco fortunada: sarà soło do łe redi senjàe (Eintracht Braunschweig e Duisburg) in 28 prezense totałe.
Bayer Leverkusen e vari préstii Tornà a Leverkusen, el vien insarìo in prima scuadra co ła maja n° 17. El 26 agosto 2016 el debuta in Bundesliga contro el Borussia Monchengladbach, reałizando anca na rede. El 10 setenbre el sigla na tripleta inte ła vitoria par 3-1 ai dani de l'Amburgo. A càuza de ła forte concorensa inte'l reparto ofensivo, el sera ła só prima anada in maja rosonera co un botin de sołe 13 partìe zogàe (2 in UEFA Champions League), consàe parò da gol.
L'11 agosto 2017 el inisia ła só segonda stazon co łe aspirine co na rede in Copa de Zarmania contro el Karlsruhe mentre, el 21 otobre seguente, el reałiza ła cuinta rede de ła partìa esterna vinsesta contro el Borussia Monchengladbach (1-5). El 23 marso 2018 el remedia un infortunio a l'artegołasion de ła caecia che ła ło costrenze a star fora dai canpi de zogo par 552 zorni.
El vien da novo convocà el 28 setenbre 2019, par ła partìa vinsesta 3-0 contro l'Augusta. El 26 otobre seguente el torna in asion par l'ùltemo menuto de l'incontro zogà contro el Werder Brema.
El 24 zenaro 2020 el viene mandà in prestio semestrałe a l'Amburgo, in segonda divizion. El 3 febraro el reałiza ła só prima rede contro el Bochum. A sèvita po' n'altri 8 gol, senjài respetivamente ai dani de l'Hannover, de'l Greuther Furth, de'l Stoccarda, de'l Wehen, de l'Holstein Kiel (dopieta), de'l Dinamo Dresda e de l'Heidenheim.
El 30 setenbre sucesivo el vien prestà a l'Union Berlino, in massima serie. El 2 otobre el senja una de łe 4 redi che ła ghe consente ai biancorosi de vinser contro el Magonza mentre, el 24 apriłe 2021, el sigla na tripleta a i dani de'l Wolfsburg. El tèrmena ła stazon co 6 redi in 20 prezense, contribuindo a'l7º posto finałe in canpionato, che'l vałe ła cuałifegasion de'l club a ła prima edision de ła UEFA Europa Conference League.
Tornà inisialmente a'l Bayer, el zoga novamente par el club el 14 agosto 2021 durando l'ùltemo menuto de ła prima partìa de Bundesliga parezada 1-1 contro l'Union Berlino. El 5 setenbre 2021 el vien cedùo in prestio anuałe a i turchi de'l Caykur Rizespor. El 3 otobre seguente el senja i só primi do gol inte ła sconfita interna par 2-3 contro el Galatasaray. El conclude ła stazon co 16 redi in 33 prezense conplesive.
Termenà el prestio, el 30 łujo 2022 el indosa da novo ła maja rosonera, zogando i ùltemi 14 menuti de l'incontro de Coppa di Germania perso 4-3 contro l'Elversberg. El 13 agosto, invese, el subentra par i ùltemi do menuti de ła partìa de Bundesliga persa 1-2 in favor de l'Augusta.
Venezia El 19 agosto 2022, Pohjanpalo el vien acuistà a titoło definitivo da'l Venezia. Do zorni dopo el debuta in Serie B, in ocazion de ła segonda zornada de canpionado vinsesta par 1-2 su'l canpo de'l Südtirol. El 1º otobre el senja el só primo gol itałian, firmando el momentaneo parezo in caza de'l Cagliari, in ocazion de ła gara po' vinsesta par 4-1. Il 1º maggio 2023, sigla un poker nella vittoria per 5-0 ai danni del Modena. El conclude ła stazon co 19 redi e sete assist, vinsendo el titoło de MVP de ła Serie B inte i mezi de apriłe e majo, deventando el prim zogador inte ła storia de'l torneo a vinser do titołi de MVP consecutivi.
El 13 setembre 2023 el renova el propio contrato co el club fin a'l 2027.El 14 zenaro 2024 el mete a senjo ła prima tripleta itałiana, inte'l suceso par 5-3 contro ła Sampdoria.
Palermo Pur sendo ben vołesto da tuti i tifozi de'l Venezia, venjindo considarà "el Doze" par ła pasion che'l ga avùo par ła sità de Venesia e par ła scuadra, durando el marcà de zenaro el ga desidesto de łasar ła scuadra de'l Venezia FC par zogar co'l Palermo in serie B da'l cuało el ga avùo na oferta che no'l ga podesto refudar.
Nasionałe El 5 zunjo 2012 el ga debutà, par l'Under-21 finlandeze, inte ła partìa parezada 1-1 contro i pari età de ła Zlovenia, vałevołe par łe cuałifegasion a l'Europeo 2013 de categoria. Cuatro zorni dopo el reałiza na rede inte l'incontro perso contro l'Ucraina (1-2).
El 14 novenbre seguente el ezordise co ła nasionałe mazor, inte l'amighevołe vinsesta par 3-0 ai dani de'l Sipro. El 5 marso 2014 el ga senjà el só primo gol in nasionałe, int'una partìa amighevołe vinsesta contro l'Ungaria.
Inte'l 2021 el vien insarìo, da'l commisario tècnego Markku Kanerva, inte ła łista dei 26 convocati par l'Europeo 2020. El 12 zunjo, inte ła prima partìa de'l Grupo B desputada contro ła , el reałiza el primo stòrego gol de ła Finlandia inte'l torneo continentałe, che'l vałe anca ła vitoria de l'incontro par 1-0.
Statìsteghe: prezense e redi inte i club + prezense e redi par scuadra, stajon e conpetisionscuadrastajoncanpionàcope nasionalicope continentalialtre copetotalconppresrediconppresrediconppresrediconppresrediconprediKlubi-042010KL10 SC00 — —102011KL2533 SC00 — —2533total2633 00 — —2633HJK2011VL10 SC+CdL00 00 00102012VL2811 SC+CdL21 UCL+UEL43 8442192013VL215 SC+CdL10 UCL20 30275total5016 31 63 1147024VfR Aalen2013–14ZL225 CG00 — —225total22500——225Fortuna Düsseldorfin prestìo2014–15ZL2911 CG10 — —30112015–16ZL262 CG20 — —282total5513 30 — —5813Fortuna Düsseldorfin prestìo2015–16Regionalliga West10 CG— — —10total1030——10Bayer Leverkusen2016–17BL116 CG00 UCL20 —1362017–18BL71 CG11 — —822018–19BL00 CG00 UEL00 —002019–20BL10 CG00 00 —102020–21BL10 CG00 00 —102021–22BL20 CG10 UEL00 —302022–23BL10 CG10 UCL00 —20total237 31 20 —288Hamburger SVin prestìo2019–20ZL149 CG— — —149total1390000—149Union Berlinin prestìo2020–21BL196 CG00 — —196total1960000—196Çaykur Rizesporin prestìo2021–22SL3316 TK00 — —3316total33160000—3316Venezia2022–23B3719 CI00 — 1038192023–24B2214 CI11 — —2315total5933 11 — 106134total cariera302138 103 83 124332149
Notasion
Categoria:Zugadori de bałon Categoria:Finlàndezi