Pirenei Atlantici el ze un dipartimento franseze de la rezion Nuova Aquitania.
Geografia fìzega El taritorio de'l dipartimento el confina co Landes a nord, Gers a nord-est e Alti Pirenei a est. A sud el confina co łe provinse spanjołe de Huesca in Aragona, de Navarra e di Gipuzkoa inte i Paezi Baschi. El ze banjà a ovest da'l Golfo de Biscaglia.
Łe prensipałe sità , oltra a'l caołogo Pau, le ze Bayonne e Oloron-Sainte-Marie.
Storia El dipartimento el ze stà creato daspò ła Revołusion franseze, el 4 marso de'll 1790, in aplegasion de ła łeze de'l 22 desenbre de'l 1789, a partir da'l taritorio de ła provinsa de ła Guienna. So'l prensipio el nome de'l dipartimento el zera Basses-Pyrénées, l'è stà modifegà in Pirenei atlànteghi el 10 otobre 1969.
El conprende do rezion stòreghe parfetamente difarensiàe fra de łore: el Béarn, che'l ocupa tuta ła parte orientałe de'l dipartimento (sirca el 63% de'l taritorio e el 60% de ła popołasion) e Iparralde, el Paeze Basco franseze, cueła ocidentałe (co el restante 37% de'l taritorio e el 40% de popołasion), formada da łe rezion de Bassa Navarra, Labourd, Soule. A l'interno de'l bearnese A ze restàe do enclavi che łe ingruma serti comuni dei Alti Pirenei (dipartimento fazente parte de'l Midi-Pirenei): A se trata de un retajo stòrego derivante da'l Mezoevo, che'l ze stà respetà a'l momento de ła sudivizion taritoriałe dei dipartimenti.
Voze corełàe Ełenco dei comuni de'l dipartimento Ełenco dei arrondissement de'l dipartimento
Altri projeti
Linganbi foresti
Categoria:Paexi Baschi Categoria:Departementi de ła rejon de ła Nova Acuitània